Рекс лақабли мушукнинг одамлардек тик туриб, юришга ҳаракат қилаётгани акс этган видео Instagram’да мингдан ортиқ, Tik Tok’да эса деярли уч миллиондан ортиқ лайклар босилишига сабабчи бўлди. «Туристер»нинг ёзилишича, бир неча дақиқада Рексни кузатувчилар сони бирданига ошиб кетган.
Канадада яшайдиган Рекснинг эгаси уни фермаларнинг биридан олиб келган. Мушукнинг олд панжалари ва думининг бир қисми йўқ бунга кичиклигида қаҳратон совуқда муздек сув солинган тоғорага тушиб кетгани сабаб бўлган.
Айни вақтда у орқа панжаларининг ўзида туришни ва 2-3 қадам юришни ўрганган. У мустақил равишда зинадан пастга тушиши, баланд бўлмаган буюмлар устига сакраб чиқиши мумкин.
Бир қанча интернет фойдаланувчилари мушук эгасидан унинг ерга тушиши оғриқли бўлмаслиги учун уй бўйлаб гилам тўшашни сўраган. Аммо бунга жавобан Рекснинг эгаси мушук ламинатда тезроқ ҳаракатланиши, шунингдек, у бошқа мушуклар сингари ўз ҳудудини белгилашни яхши кўришини билдирган.
Изоҳ (0)