Boksning o‘rta vazn toifasida IBF yo‘nalishi chempioni Gennadiy Golovkin (40-1-1, 35 KO) keyingi jangini 18 yoki 19-dekabr kuni o‘tkazadi, deya xabar qilmoqda Boxingnews24.
Unga IBF kamariga majburiy da’vogar Kamil Sheremeta (21-0, 5 KO) raqib bo‘ladi.
Golovkin kamarni himoya qila olsa 2021-yilda uni bir qator katta janglar kutib turibdi. Bo‘lajak raqiblar sifatida o‘rta vazn toifasida WBO yo‘nalishi chempioni Demetrius Andrade, shuningdek, ikkinchi o‘rta vazn chempionlari Kallum Smit va Billi Jo Seondersni ta’kidlash mumkin.
Eslatib o‘tamiz, qozog‘istonlik bokschi so‘nggi jangini 2019-yilning oktabrida o‘tkazgan va unda ukrainalik Sergey Derevyanchenkoni mag‘lubiyatga uchratgandi.
Mavzuga doir: Vasiliy Lomachenkodan Aleksandr Povektingacha. 2020-yilda o‘tkazilishi kutilayotgan 10 ta shov-shuvli jang haqida
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
Izoh (0)