Futbol bo‘yicha Anliya Premyer Ligasining 8-turida “Manchester Yunayted” 7-noyabr, shanba kuni “Everton” maydoniga safar qildi.
Uchrashuvning 19-daqiqasida Bernard Anisio maydon egalarini oldinga olib chiqdi. Oradan ko‘p o‘tmay Brunu Fernandesh qanotdan uzatib berilgan to‘pga boshi bilan zarba berib, muvozanatni tikladi. 32-daqiqada Fernandeshning jarima maydonidan yo‘llagan zarbasi golga aylandi.
Ikkinchi bo‘limda ham har ikki jamoa vakillarida bir qator qulay imkoniyatlar yuzaga keldi. Hakam tomonidan qo‘shib berilgan vaqtda Edinson Kavani “Manchester Yunayted” safidagi debyut golini urdi va yakuniy hisobni o‘rnatdi.
Ushbu g‘alabadan keyin “Manchester Yunayted” ochkolarini 10 taga yetkazib olgan holda 13-o‘ringa ko‘tarildi. Ketma-ket 3-mag‘lubiyatini qabul qilib olgan Karlo Anchelotti shogirdlari esa 13 ochko bilan 5-pog‘onada bo‘lib turibdi.
APL
8-tur bahsi
7-noyabr, shanba
“Everton” — “Manchester Yunayted” 1:3
Gollar: 1:0 – 19 Bernard, 1:1 – 25 Brunu Fernandesh, 1:2 – 32 Brunu Fernandesh, 1:3 – 90+5 Kavani.“Everton”: Pikford, Din, Kin, Koulmen, Holgeyt, Dukure, Sigurdsson (Ivobi, 66), Xames (Tosun, 80), Allan, Bernard, Kelvert-Lyuin.
“Manchester Yunayted”: De Xea, Shou (Tuanzebe, 67), Uan-Bissaka, Lindelyof, Maguayr, Fred, Brunu Fernandesh, Maktominey, Mata (Pogba, 82), Marsyal (Kavani, 82), Reshford.
Ogohlantirishlar: Holgeyt (34), Allan (45), Brunu Fernandesh (50), Fred (83), Tosun (86), Dukure (88).
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
Izoh (0)