Konor Makgregor bir yilda 4 ta jang o‘tkazishga tayyor ekanini ma’lum qildi

Ikki vazn toifasida UFC sobiq chempioni Konor Makgregor yoshining o‘tib borayotgani faoliyatiga ta’sir ko‘rsatmasligini aytdi.

Yangi janglar. Men uchta sanani taklif qilgandim (ular ketma-ket davom etishi kerak edi, shunda bir yilda to‘rtta jang o‘tkazardim), ular esa buni rad etdi. Keyin muxlislarning tribunalarga kiritilmayotgani sabab meni chetga chiqarib qo‘yishdi. To‘rtta jang — 6 million pullik efir vaqtida. Ular qancha pul yo‘qotdi?

Men hali MMA uchun qari emasman. Anderson Silva o‘z yurishini 31 yoshga kirganda boshlagan. Dunyo nimalarga erishganingni faoliyating tugaganidan keyin biladi. O‘shanda kim aslida kimligini bilib olamiz. Bu gaplarni eslab qoling.

Agar men o‘zimni yaxshi jangchi deb atasam siz menga meni maqtanchoqqa chiqarasiz. Agar yaxshi emasman desam, yolg‘on gapirayotganimni bilasiz.

Konor Makgregor, UFC jangchisi

Ma’lumot uchun, irlandiyalik sportchi MMA’dagi faoliyati davomida 22 ta jangda g‘alaba qozongan, 4 ta jangda esa mag‘lub bo‘lgan. UFC bayrog‘i ostidagi janglari soni 12 tani tashkil etadi.