Amerikalik bloger o‘zining TikTok’dagi sahifasi orqali hazil rolik bilan bo‘lishib, ijtimoiy tarmoqda mashhurlikka erishdi, deb xabar beradi Daily Mail.
Texaslik Merayya Alvarado tomonidan e’lon qilingan video ijtimoiy tarmoqlarda mashhurlikka erishib, olti kun ichida 18 million marotabadan ortiq tomosha qilindi. Videodan ko‘rish mumkinki, ayol tushlik qilib, o‘zi tayyorlagan taomning retseptini so‘zlab berayotgan vaqtida to‘satdan o‘rgimchak shaklida ishlangan ziraklaridan qo‘rqib ketadi va baqirib yuboradi. Merayya qulog‘ida haqiqiy o‘rgimchak o‘rmalayapti deb o‘ylab, uni qoqib tashlashga urinadi. Oxir-oqibat bloger xatosini tushunib, kulib yuborgan.
“Bugun o‘rgimchak-ziraklarni taqqanimni rostan ham unutib qo‘yibman”, — deya tushuntiradi qahramon. Foydalanuvchilar Alvaradoning videodagi yuz tuzilishi ustidan kulib, unga turli izohlar qoldirmoqda. “Men ham shunday qilgan bo‘lardim”, “Har safar takror ko‘rganimda yanada kulgili tuyulmoqda”, “Bu men ko‘rgan eng kulgili rolik”, deb yozadi foydalanuvchilar.
Avvalroq tashlandiq uy derazasida ko‘ringan bolaning kallasi TikTok foydalanuvchilarini qo‘rqitib yuborgani to‘g‘risida xabar berilgandi.
Izoh (0)