O‘zbekistonda 2020-yilning 9 oyida 7,8 million tonna sement ishlab chiqarilgan. 2019-yilning mos davriga nisbatan o‘sish sur’ati 102,6 foizni tashkil etdi, deya xabar bermoqda Davlat statistika qo‘mitasi.
Sement ishlab chiqarish korxonalari tomonidan respublika miqyosida ishlab chiqarilgan mahsulotlarning jami hajmida eng yuqori ulush Toshkent viloyati 47,2 foiz, Navoiy viloyati 35,5 foiz hamda Farg‘ona viloyati 11,8 foiz hissasiga to‘g‘ri keldi.
Ma’lumot o‘rnida, mamlakatda 2020-yilning 9 oyida Afg‘oniston, Singapur, Rossiya, Xitoy, Turkiya va boshqa bir qator xorijiy davlatlarga qiymati 24,2 million AQSh dollariga teng bo‘lgan sement eksport qilingan.
O‘z navbatida O‘zbekistonga Qozog‘iston, Tojikiston, Qirg‘iziston, Eron, Rossiya va boshqa davlatlardan qiymati 87,0 million AQSh dollariga teng bo‘lgan sement mahsuloti import qilingan.
Avvalroq O‘zbekiston tovar-xomashyo birjasida xaridorlar soni oshganiga qaramay sement narxi tushayotgani ma’lum qilingandi.
Izoh (0)