Ўзбекистонда 2020 йилнинг 9 ойида 7,8 миллион тонна цемент ишлаб чиқарилган. 2019 йилнинг мос даврига нисбатан ўсиш суръати 102,6 фоизни ташкил этди, дея хабар бермоқда Давлат статистика қўмитаси.
Цемент ишлаб чиқариш корхоналари томонидан республика миқёсида ишлаб чиқарилган маҳсулотларнинг жами ҳажмида энг юқори улуш Тошкент вилояти 47,2 фоиз, Навоий вилояти 35,5 фоиз ҳамда Фарғона вилояти 11,8 фоиз ҳиссасига тўғри келди.
Маълумот ўрнида, мамлакатда 2020 йилнинг 9 ойида Афғонистон, Сингапур, Россия, Хитой, Туркия ва бошқа бир қатор хорижий давлатларга қиймати 24,2 миллион АҚШ долларига тенг бўлган цемент экспорт қилинган.
Ўз навбатида Ўзбекистонга Қозоғистон, Тожикистон, Қирғизистон, Эрон, Россия ва бошқа давлатлардан қиймати 87,0 миллион АҚШ долларига тенг бўлган цемент маҳсулоти импорт қилинган.
Аввалроқ Ўзбекистон товар-хом ашё биржасида харидорлар сони ошганига қарамай цемент нархи тушаётгани маълум қилинганди.
Изоҳ (0)