«Манчестер Юнайтед» собиқ ярим ҳимоячиси, ҳозирда Уэльс терма жамоаси бош мураббийи Райан Гиггз қайлиғига ҳужум қилганликда гумонланиб, ҳибсга олинган. Бу ҳақда The Sun хабар тарқатди.
Манбага кўра, Гиггзнинг севгилиси Кейт Гревилнинг ўзи полицияга қўнғироқ қилиб, Уэльс терма жамоаси бош мураббийини ҳибсга олишни сўраган.
Қайд этиш жоиз, бу Райан Гиггз бошидан кечираётган биринчи шахсий ҳаётига боғлиқ можаро эмас. 2018 йилда Гиггз қайлиғидан яширинча ўз акасининг рафиқаси ва бошқа аёллар билан ишқий муносабатда бўлгани маълум бўлганди.
Маълумот учун, Гиггз бутун фаолияти давомида «Манчестер Юнайтед» шарафини ҳимоя қилган (1990—2014 йилларда). Манчестерликлар сафида 672 та ўйинда қатнашиб, 114 та гол урган.
«Қизил иблислар» таркибида у 13 марта Англия чемпионати, 4 марта мамлакат Кубоги, шунингдек, икки бор Чемпионлар Лигасида ғолиб бўлган. 2014—2016 йилларда «Юнайтед»нинг мураббийлар штабига ишлаган, 2018 йилда эса Уэльс терма жамоаси бош мураббийига айланган.
Мавзуга доир:
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)