Shou-biznes vakillari orasida do‘stona munosabatda bo‘lgan yulduzlar bo‘lganidek, bir-birini ko‘rarga ko‘zi yo‘q mashhurlar ham yo‘q emas.
Xyu Jekman va Anjelina Joli
Anjelina sobiq turmush o‘rtoqlari bilan suratga olish maydonchasida tanishgan. Bred Pittdan avval Jonni Li Miller va Billi Bob Toronton bilan ham turmush qurgan va ular bilan ham bir loyiha ustida ishlash vaqtida tanishgan. Shu sababdan Xyu Jekmanning rafiqasi turmush o‘rtog‘iga Anjelina bilan birga bir filmda suratga tushishiga qarshilik qiladi.
Charli Shin va Selma Bler
Ular o‘rtasida mojaro paydo bo‘lishiga “G‘azabni jilovlash” filmining suratga olish maydonchasida Selmaning Charli haqida aytgan yoqimsiz so‘zlari sabab bo‘lgan. Aktrisa Charli bilan suratga tushishning mushkulligi mazmunida post qoldirgan. U aktyorning hamisha kech qolishi va odob-axloq nimaligini bilmasligini ta’kidlagan. Bundan g‘azablangan Charli Selma loyihani tark etmagunicha suratga olish maydonchasiga bormaslikka qaror qilgan va film efirga uzatiladigan kanal rahbariyati Selmani ketkazishiga to‘g‘ri kelgan. Shundan keyin har ikkala ijod vakili ham bir loyihada ishtirok etmagan, Charli esa bu voqea sabab aktrisani sudga bergan.
Riz Uizerspun va Vins Von
“To‘rt rojdestvo” filmida birga suratga tushgan aktyorlarning hamkorlikdagi ishi muxlislarga yoqqan, lekin shundan keyin tomoshabinlar ularni birga ko‘rmagan. Gap shundaki, suratga tushish jarayonida ular ko‘p marta tortishgan, hatto yoqalashgan ham. Shundan keyin bir-birini ko‘rarga ko‘zi yo‘q bo‘lgan va suratga olish maydonchasida ularning yo‘li kesishmagan.
Tom Xardi va Sharliz Teron
“Telba Maks: G‘azab yo‘li” filmida nafaqat syujet davomida, balki film ortida ham jang va yoqalashishlar talaygina bo‘lgan. Bosh rol ijrochilari Tom Xardi va Sharliz Teronning munosabatlari avvaldan yaxshi bo‘lmagan. Ammo Tom dushman bo‘lib xayrlashishni istamagan va unga quyidagi yozuv tushirilgan surat sovg‘a qilgan: “Senga chidab bo‘lmaydi, ammo sen aqlbovar qilmas darajada zo‘rsan. Menga o‘rning bilinadi”.
Jennifer Eniston va Lesli Mann
“Tanho u yagona” filmining suratga olish jarayonidan keyin ular bir-birini yomon ko‘rib qolgan. Jennifer sobiq hamkasbini shunchalik yomon ko‘rib qolganidan Leslining turmush o‘rtog‘i bo‘lgani uchun va unga ko‘p rol bergani uchun rejissor Jadd Apatouning filmlarida suratga tushmaslikka qaror qilgan. Lesli erining filmida suratga tushgan ayollarga yomon munosabatda bo‘lgani mojaroga sabab bo‘lgan.
Lyusi Lyu va Bill Myurrey
“Charli agentlari” filmining ikkinchi qismida Billning ko‘rinmaganiga uning suratga olish jarayonida Lyusi bilan tortishib qolgani sabab bo‘lgan. Aktyor Lyusini tanqid qilgan, ijrosidagi dubllarni to‘xtatib, iste’dodidan foydalanmayotganini bildirgan. Xafa bo‘lgan va g‘azablangan Lyu bir marta hatto u bilan urishib ketgan. Shundan keyin ular boshqa bir loyihada ishtirok etishni istamagan.
Izoh (0)