Mashhurlar sovg‘alar olishni yaxshi ko‘rishi sir emas. Lekin hamma ham sevimli xonandasi tomonidan siylanish baxtiga muyassar bo‘lavermaydi.
Teylor Svift — universitet xarajati
Viktoriya Mario universitetda matematika yo‘nalishi bo‘yicha tahsil olishni istagan, ammo oilasidagi iqtisodiy muammolar sabab to‘lov qila olmagan. Shundan keyin qiz ijtimoiy tarmoq orqali befarq bo‘lmagan insonlardan yordam so‘ragan. Qiz mavjud summaning uchdan bir qismini yig‘ishga muvaffaq bo‘lgan.
So‘nggi daqiqalarda Taylor Svift qizning murojaati bilan tanishgan va uning o‘qishi uchun kerakli xarajatga yetadigan summa — 30 ming dollar xayriya qilgan. Mario orzusi armon bo‘lib qolmasligiga katta hissa qo‘shgan xonandaga minnatdorchilik bildirgan. Bu Sviftning birinchi va oxirgi qilgan xayriyasi emas, yulduz notanish odamlarga bir necha marta yordam ko‘rsatgan. Uysiz muxlisiga uy olib bergan va vaqti-vaqti bilan qiyin vaziyatlarga tushib qolgan odamlarga moliyaviy yordam ko‘rsatib turadi.
Kayli Jenner — Louis Vuitton’dan erkaklar sumkasi
Sayyoraning eng yosh milliarder ayoli Kayli muxlislaridan birini bee’tibor qoldirmagan. Jonni Sayrus ismli yigit unga ko‘p yildan buyon muxlislik qilib kelgan: u boradigan tadbirlarga tashrif buyurgan, ishlab chiqaradigan va reklama qiladigan mahsulotlarini xarid qilgan va hattoki tanasiga model suratini tatuirovka qilib tushirgan.
Bundan boshi osmonga yetgan Kayli Louis Vuitton brendidan 2 ming dollarlik sumkani unga sovg‘a qilgan. Sayrus qo‘lga kiritgan sumka fotosi bilan Instagram’da ulashib, model haqida iliq fikrlar bildirgan.
Ariana Grande — rojdestvo paypog‘i ichiga solingan turli sovg‘alar
2020-yildagi konsertida santa-klaus obrazida bo‘lishni istagan xonanda zaldagi tomoshabinlarga rojdestvo paypog‘i ulashgan. Konsert tugaganidan keyin muxlislar Twitter sahifasiga paypoq ichida sovg‘a bor ekanini yozib, suratlarini bo‘lishgan. Unda turli Starbucks sertifikatlari, 100 dollar puli bor Visa karta va hatto Tiffany taqinchoqlari bo‘lgan.
Morgenshtern — qimmatbaho mashina
Bugungi kunda mashhurlar Instagram orqali Giveaway (odatda ijtimoiy tarmoqlarda obuna yoki boshqa harakat uchun e’lon qilish urfga kirgan tanlov) tashkil qilib muxlislariga qimmat mashina, uy, texnika hamda boshqa sovrinlar beradi. Rossiyalik taniqli reper va bastakor Alisher Morgenshtern ham kuzda shunday tanlov o‘tkazdi va unda Mercedes mashinasi sovrin bo‘ldi. Mazkur mashina Morgenshternning “Merin” qo‘shig‘i klipidan keyin mashhur bo‘lgan. Qo‘shiq 80 million marta tomosha qilingan.
Jastin Biber — hayvon
Xonanda o‘zining Twitter’da alohida sahifasi bor bo‘lgan, gastrol safarlariga o‘zi bilan birga olib yurishni rejalashtirgan kemiruvchi hayvon — og‘maxonni 2013-yilda bir muxlisiga sovg‘a qilib yuborgan.
Konsertlardan biridan keyingi fotosessiya vaqtida u muxlisiga sevimli hayvonini berib yuborgan va unga yaxshilab qarashini iltimos qilgan.
Kanye Uest — qimmat kurtka
Nyu-Yorkdagi moda haftaligi doirasida Ralph Lauren brendining yubileyiga qimmat kurtkada tashrif buyurgan reper muxlisining oddiy ustki kiyimini yoqtirib qolgan va uni o‘zining Prada kurtkasi bilan almashishni taklif qilgan va o‘zining mazkur tanlovidan mamnun bo‘lgan.
Ledi Gaga — yigitining kurtkasi
Malibudagi restoranlardan biridan yigiti bilan chiqayotganida ularning yoniga bir qiz borgani paparatsiya nishonidan chetda qolmagan. Qisqa suhbatdan keyin xonanda egnidagi yigitining kurtkasini yechib, muxlisiga bergan. Qiz nimani aytishidan qat’iy nazar, sevimli qo‘shiqchi tomonidan bunday oliyjanoblikdan keyin mamnun bo‘lgani aniq.
Izoh (0)