Tengdosh yulduzlar: Erkak va ayollar qanday qariydi? (foto)

Bir yoshdagi ayol va erkaklarning tashqi ko‘rinishi har doim ham yoshiga mos bo‘lavermasligi mumkin. Kimdir bunday natijaga jarrohlik orqali erishsa, boshqalar sport va to‘g‘ri ovqatlanish orqali tengdoshlaridan yosh ko‘rinishga muvaffaq bo‘ladi.

Rassel Krou va Monika Belluchchi — 56 yosh

Rasselning ko‘rinishi “Gladiator”dagidan ancha o‘zgargan. Ammo Monikaga qarab, uning 56 yoshda ekaniga ishonish qiyin. Albatta, ba’zi qarish alomatlari yo‘q emas, ammo uning latofati va husni avvalgidek go‘zal.

Bred Pitt va El Makferson — 56 yosh

Bredga hech kim 56 yosh bermaydi. Makfersonning ham ushbu yoshga nisbatan ko‘rinishi, qomati chakki emas.

Mettyu Makkonaxi va Jennifer Eniston — 51 yosh

Aktyor ozganidan keyin kattaroq ko‘rinayotgan bo‘lsa ham, ko‘rinishi hali-hamon ko‘rkam. Tengdoshi Eniston esa xuddi o‘zgarmagandek. Bunday natijaga u to‘g‘ri ovqatlanish va sport sabab erishgan.

Jorj Kluni va Meg Rayan — 59 yosh

Meg yosh va go‘zal bo‘lib qolish uchun plastik jarrohligiga murojaat qilgan, aktyor Kluni esa faqatgina ko‘zi atrofidagi ajinlarni ketkazish muolajasini olib turadi.

Kichik Robert Dauni va Elizabet Xerli — 55 yosh

Elizabet yoshiga nisbatan 10 yosh kichik ko‘rinadi. Robertning tashqi ko‘rinishi esa 55 yoshga mos.

Vensan Kassel va Xolli Berri — 54 yosh

Xollining tashqi ko‘rinishiga nazar tashlab, unda yoshlik eleksiri bor degan xulosaga kelish mumkin. Vensanning ko‘rinishi esa o‘z yoshiga mutanosib.

Xyu Jekman va Naomi Uotts — 52 yosh

Ularning har ikkisi ham tengdosh ekanligi bilinib turadi. Naomi ham Xyu ham yoshiga mos tashqi ko‘rinish, shu bilan birga, istaraga ega shou-biznes vakillari. Aktyor bunday natijaga erishish uchun to‘g‘ri ovqatlanish va sport mashqlari bilan shug‘ullanadi.

Tom Xenks va Kim Ketroll — 64 yosh

Aktyor yosh ko‘rinish uchun hech qanday jarrohlik amaliyotlaridan foydalanmaydi. Kim esa aksincha, go‘zallik inyeksiyalarini kanda qilmaydi.

Jon Travolta va Kristi Brinkli —66 yosh

Aktyorning ko‘rinishi yoshiga mos, uning tengdoshi Kristini esa hech kim sal kam 70 yosh demaydi. Bu yoshda 40 yoshdek ko‘rinish hammaga ham emas.