Шоу-бизнес вакиллари орасида дўстона муносабатда бўлган юлдузлар бўлганидек, бир-бирини кўрарга кўзи йўқ машҳурлар ҳам йўқ эмас.
Хью Жекман ва Анжелина Жоли
Анжелина собиқ турмуш ўртоқлари билан суратга олиш майдончасида танишган. Бред Питтдан аввал Жонни Ли Миллер ва Билли Боб Торонтон билан ҳам турмуш қурган ва улар билан ҳам бир лойиҳа устида ишлаш вақтида танишган. Шу сабабдан Хью Жекманнинг рафиқаси турмуш ўртоғига Анжелина билан бирга бир фильмда суратга тушишига қаршилик қилади.
Чарли Шин ва Сэльма Блэр
Улар ўртасида можаро пайдо бўлишига «Ғазабни жиловлаш» фильмининг суратга олиш майдончасида Сэльманинг Чарли ҳақида айтган ёқимсиз сўзлари сабаб бўлган. Актриса Чарли билан суратга тушишнинг мушкуллиги мазмунида пост қолдирган. У актёрнинг ҳамиша кеч қолиши ва одоб-ахлоқ нималигини билмаслигини таъкидлаган. Бундан ғазабланган Чарли Сэльма лойиҳани тарк этмагунича суратга олиш майдончасига бормасликка қарор қилган ва фильм эфирга узатиладиган канал раҳбарияти Сэльмани кетказишига тўғри келган. Шундан кейин ҳар иккала ижод вакили ҳам бир лойиҳада иштирок этмаган, Чарли эса бу воқеа сабаб актрисани судга берган.
Риз Уизерспун ва Винс Вон
«Тўрт рождество» фильмида бирга суратга тушган актёрларнинг ҳамкорликдаги иши мухлисларга ёққан, лекин шундан кейин томошабинлар уларни бирга кўрмаган. Гап шундаки, суратга тушиш жараёнида улар кўп марта тортишган, ҳатто ёқалашган ҳам. Шундан кейин бир-бирини кўрарга кўзи йўқ бўлган ва суратга олиш майдончасида уларнинг йўли кесишмаган.
Том Харди ва Шарлиз Терон
«Телба Макс: Ғазаб йўли» фильмида нафақат сюжет давомида, балки фильм ортида ҳам жанг ва ёқалашишлар талайгина бўлган. Бош рол ижрочилари Том Харди ва Шарлиз Тероннинг муносабатлари аввалдан яхши бўлмаган. Аммо Том душман бўлиб хайрлашишни истамаган ва унга қуйидаги ёзув туширилган сурат совға қилган: «Сенга чидаб бўлмайди, аммо сен ақл бовар қилмас даражада зўрсан. Менга ўрнинг билинади».
Женнифер Энистон ва Лесли Манн
«Танҳо у ягона» фильмининг суратга олиш жараёнидан кейин улар бир-бирини ёмон кўриб қолган. Женнифер собиқ ҳамкасбини шунчалик ёмон кўриб қолганидан Леслининг турмуш ўртоғи бўлгани учун ва унга кўп рол бергани учун режиссёр Жадд Апатоунинг фильмларида суратга тушмасликка қарор қилган. Лесли эрининг фильмида суратга тушган аёлларга ёмон муносабатда бўлгани можарога сабаб бўлган.
Люси Лью ва Билл Мюррей
«Чарли агентлари» фильмининг иккинчи қисмида Биллнинг кўринмаганига унинг суратга олиш жараёнида Люси билан тортишиб қолгани сабаб бўлган. Актёр Люсини танқид қилган, ижросидаги дублларни тўхтатиб, истеъдодидан фойдаланмаётганини билдирган. Хафа бўлган ва ғазабланган Лью бир марта ҳатто у билан уришиб кетган. Шундан кейин улар бошқа бир лойиҳада иштирок этишни истамаган.
Изоҳ (0)