Futbol bo‘yicha Italiya A Seriyasining 6-turida “Yuventus” 1-noyabr, yakshanba kuni “Spetsiya” mehmoni bo‘ldi.
Uchrashuvning 14-daqiqasida Alvaro Morata turinliklarni oldinga olib chiqqan bo‘lsa, 32-daqiqada Tommaso Pobega hisobni tenglashtirdi.
Ikkinchi bo‘limda mehmonlar raqib darvozasini javobsiz uch bor o‘qqa tutdi. Koronavirusni yengib safga qaytgan Krishtianu Ronaldu dubl qayd etgan bo‘lsa, yana bir golga Adriyen Rabyo mualliflik qildi.
Ushbu g‘alabadan so‘ng Andrea Pirlo qo‘l ostidagi jamoaning ochkolari 12 taga yetdi va turinliklar 4-o‘ringa ko‘tarildi.
Turinning yana bir jamoasi “Torino” o‘z maydonida “Latsio”ni qabul qildi. Dastlab rimliklar Andreas Pereyraning golidan keyin oldinga o‘tib oldi, bunga mezbonlar birinchi bo‘limda ikkita to‘p bilan javob qaytardi.
Ikkinchi bo‘lim debyutida Sergey Milinkovich-Savich hisobni tenglashtirdi, o‘yin yakunlanishi arafasida Sasha Lukich turinliklarning uchinchi golini urdi. Barchasi “Torino”ning g‘alabasi tomon ketayotgan bir vaqtda “Latsio” hakam tomonidan qo‘shib berilgan daqiqalarda ikkita gol urib g‘alabani ilib ketdi.
A Seriya
6-tur bahslari
1-noyabr, yakshanba
“Spetsiya” — “Yuventus” 1:4
Gollar: 0:1 – 14 Morata, 1:1 – 32 Pobega, 1:2 – 59 Ronaldu, 1:3 – 67 Rabo, 1:4 – 76, penalti Ronaldu.“Spetsiya”: Provedel, Tersi (Ismayli, 88), Ferrer, Shabo (Dell`Orko, 74), Bastoni, Pobega (Esteves, 74), Bartolomei, Richchi, Verde (Agudelo, 46), Farias (Jasi, 73), Nzola.
“Yuventus”: Buffon, Demiral, Bonuchchi (Frabotta, 77), Danilo, Bentankur (Rabyo, 62), Kuadrado, Artur, Makkenni (Remzi, 62), Kyeza, Dibala (Ronaldu, 56), Morata (Kulusevski, 78).
Ogohlantirishlar: Shabo (49), Rabyo (69), Bartolomei (75), Esteves (87).
“Torino” — “Latsio” 3:4
Gollar: 0:1 – 15 Pereyra, 1:1 – 19 Bremer, 2:1 – 25, penalti Belotti, 2:2 – 48 Milinkovich-Savich, 3:2 – 87 Lukich, 3:3 – 90+5, penalti Immobile, 3:4 – 90+8 Kaysedo.Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
Izoh (0)