Футбол бўйича Италия А Сериясининг 6-турида «Ювентус» 1 ноябрь, якшанба куни «Специя» меҳмони бўлди.
Учрашувнинг 14-дақиқасида Альваро Мората туринликларни олдинга олиб чиққан бўлса, 32-дақиқада Томмасо Побега ҳисобни тенглаштирди.
Иккинчи бўлимда меҳмонлар рақиб дарвозасини жавобсиз уч бор ўққа тутди. Коронавирусни енгиб сафга қайтган Криштиану Роналду дубль қайд этган бўлса, яна бир голга Адриен Рабьо муаллифлик қилди.
Ушбу ғалабадан сўнг Андреа Пирло қўл остидаги жамоанинг очколари 12 тага етди ва туринликлар 4-ўринга кўтарилди.
Туриннинг яна бир жамоаси «Торино» ўз майдонида «Лацио»ни қабул қилди. Дастлаб римликлар Андреас Перейранинг голидан кейин олдинга ўтиб олди, бунга мезбонлар биринчи бўлимда иккита тўп билан жавоб қайтарди.
Иккинчи бўлим дебютида Сергей Милинкович-Савич ҳисобни тенглаштирди, ўйин якунланиши арафасида Саша Лукич туринликларнинг учинчи голини урди. Барчаси «Торино»нинг ғалабаси томон кетаётган бир вақтда «Лацио» ҳакам томонидан қўшиб берилган дақиқаларда иккита гол уриб ғалабани илиб кетди.
А Серия
6-тур баҳслари
1 ноябрь, якшанба
«Специя» — «Ювентус» 1:4
Голлар: 0:1 – 14 Мората, 1:1 – 32 Побега, 1:2 – 59 Роналду, 1:3 – 67 Рабо, 1:4 – 76, пенальти Роналду.«Специя»: Проведел, Терси (Исмайли, 88), Феррер, Шабо (Dell`Орко, 74), Бастони, Побега (Эстевес, 74), Бартоломеи, Риччи, Верде (Агудело, 46), Фариас (Жаси, 73), Нзола.
«Ювентус»: Буффон, Демирал, Бонуччи (Фработта, 77), Данило, Бентанкур (Рабьо, 62), Куадрадо, Артур, Маккенни (Рэмзи, 62), Кьеза, Дибала (Роналду, 56), Мората (Кулусевски, 78).
Огоҳлантиришлар: Шабо (49), Рабьо (69), Бартоломеи (75), Эстевес (87).
«Торино» — «Лацио» 3:4
Голлар: 0:1 – 15 Перейра, 1:1 – 19 Бремер, 2:1 – 25, пенальти Белотти, 2:2 – 48 Милинкович-Савич, 3:2 – 87 Лукич, 3:3 – 90+5, пенальти Иммобиле, 3:4 – 90+8 Кайседо.Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)