PSJ hujumchisi Neymar jarohati tufayli uch haftani maydon tashqarisida o‘tkazib yuboradi, deya xabar qilmoqda jurnalist Muhammad Buhafsi.
Uning so‘zlariga ko‘ra, braziliyalik futbolchiga son qismi mushaklarining shikastlanishi tashxisi qo‘yilgan.
Eslatib o‘tamiz, Neymar Chempionlar Ligasi guruh bosqichi 2-turidan o‘rin olgan “Istanbul Bashakshekir”ga qarshi o‘yinda (2:0) jarohat olib, 1-bo‘lim o‘rtalarida zaxiraga olingandi. Qayd etish o‘rinli, bu Neymar uchun Parij klubidagi 13-jarohat bo‘ldi.
Endilikda 28 yoshli futbolchi Fransiya chempionatidan o‘rin olgan “Nant” va “Renn”ga qarshi uchrashuvlarni, shuningdek, Chempionlar Ligasi guruh bosqichi 3-turi doirasidagi “Leypsig” bilan o‘yinni o‘tkazib yuboradi.
Ma’lumot o‘rnida, Neymar 2017-yilning yozidan beri PSJ sharafini himoya qilib keladi. Ushbu mavsumda u Fransiya chempionatida 4 o‘yin o‘tkazib, 2 ta gol urdi. Uning parijliklar bilan amaldagi shartnomasi 2022-yilning yozigacha amal qiladi.
Mavzuga doir:
- Neymar dunyoning eng yaxshi 5 futbolchisidan iborat ramziy terma jamoa tuzdi. Unda Ronaldu yo‘q
- Neymardan Sadio Manegacha. Kuchli beshlik ligalarida eng ko‘p qo‘pollikka duch kelayotgan futbolchilar
- Messi, Saloh, Neymar va Azar. Transfer narxi keskin pasayib ketgan mashhur futbolchilar haqida
- Rodrigo: Men yangi Neymar bo‘lishni xohlamayman
Izoh (0)