ПСЖ ҳужумчиси Неймар жароҳати туфайли уч ҳафтани майдон ташқарисида ўтказиб юборади, дея хабар қилмоқда журналист Муҳаммад Буҳафси.
Унинг сўзларига кўра, бразилиялик футболчига сон қисми мушакларининг шикастланиши ташхиси қўйилган.
Эслатиб ўтамиз, Неймар Чемпионлар Лигаси гуруҳ босқичи 2-туридан ўрин олган «Истанбул Башакшекир»га қарши ўйинда (2:0) жароҳат олиб, 1-бўлим ўрталарида захирага олинганди. Қайд этиш ўринли, бу Неймар учун Париж клубидаги 13-жароҳат бўлди.
Эндиликда 28 ёшли футболчи Франция чемпионатидан ўрин олган «Нант» ва «Ренн»га қарши учрашувларни, шунингдек, Чемпионлар Лигаси гуруҳ босқичи 3-тури доирасидаги «Лейпциг» билан ўйинни ўтказиб юборади.
Маълумот ўрнида, Неймар 2017 йилнинг ёзидан бери ПСЖ шарафини ҳимоя қилиб келади. Ушбу мавсумда у Франция чемпионатида 4 ўйин ўтказиб, 2 та гол урди. Унинг парижликлар билан амалдаги шартномаси 2022 йилнинг ёзигача амал қилади.
Мавзуга доир:
- Неймар дунёнинг энг яхши 5 футболчисидан иборат рамзий терма жамоа тузди. Унда Роналду йўқ
- Неймардан Садио Манегача. Кучли бешлик лигаларида энг кўп қўполликка дуч келаётган футболчилар
- Месси, Салоҳ, Неймар ва Азар. Трансфер нархи кескин пасайиб кетган машҳур футболчилар ҳақида
- Родриго: Мен янги Неймар бўлишни хоҳламайман
Изоҳ (0)