Xitoyning Ichun shahrida 63 kilogramm og‘irlikdagi tirik asalarilar bilan qoplangan kishi Ginnesning rekordlar kitobiga kiritildi. Ushbu voqea Video Guinnes World Records’ning Facebook sahifasiga joylashtirildi.
Juan Lyanmin tanasidagi asalarilar to‘dasi bilan jahon rekordini o‘rnatdi. Tasvirda hasharotlar uyumi himoya kiyimlarisiz bo‘lgan xitoylik erkakka yopishgani aks etgan. Butunlay asalari bilan qoplangan Lyanmin xuddi jigarrang haykalga o‘xshab qolgan. Videoning so‘nggi daqiqalaridagina Lyanmin yuzidagi hasharotlarni tozalash uchun boshini silkitganini ko‘rish mumkin.
Rekordlar kitobi vakillari erkakni kuzatib bordi va natija qayd etilgach maxsus tayyorgarlik ko‘rgan odamlar uni asalaridan xalos etdi.
Shuningdek, video 6 milliondan ko‘proq tomosha qilingan va foydalanuvchilar tomonidan ulashilgan. “Bunday iste’dod egasini birinchi marta ko‘rishim. Videoni qayta tomosha qilishim ehtimoldan yiroq”, − deyilgan yuzlab izohlarning birida. Yana biri: “Bu inson Ginnes rekordlar kitobining haqiqiy qahramoni”, − deydi. “Men ushbu tasvirni ko‘rib, o‘lib qolishimga oz qoldi”, — deya foydalanuvchilar izoh qoldirgan.
Izoh (0)