Yanvar oyiga qadar respublikaning 14 ta hududida kompleks xizmat ko‘rsatuvchi zamonaviy mono-markazlar tashkil etiladi. Bu haqda 28-oktabr kuni AOKAda “Aholi bandligi to‘g‘risida”gi qonunning ahamiyati va sohaga oid dolzarb masalalar yuzasidan o‘tkazilgan matbuot anjumanida ma’lum qilindi.
“Daryo” muxbirining xabar berishicha, Bandlik va mehnat munosabatlari vazirligi boshqarma boshlig‘i Temur Mahmudov ayni paytda O‘zbekiston mehnat bozorida qaysi kasb egalariga talab yuqoriligi haqida so‘z yuritdi.
“Ko‘pchilikka ma’lum, yaqinda yagona milliy mehnat tizimi ishga tushirildi. Mulkchilik shaklidan qat’iy nazar, barcha ish beruvchi tashkilotlar o‘zidagi bo‘sh ish o‘rinlari, xodimlari bilan tuzgan mehnat shartnomalarini shu tizimga kiritib bormoqda.
Tahlillarga ko‘ra, O‘zbekiston mehnat bozorida quruvchilarga talab yuqori. Chunki pandemiya davrida ham qurilish ishlari jadal davom etmoqda. Toshkent va Samarqand shaharlarida IT-mutaxassislariga nisbatan talab katta. Tekstil korxonalar soni ko‘paygani sari tikuvchi xotin-qizlarga ham ehtiyoj ortib boryapti. Davlat tashkilotlari bo‘yicha esa xalq ta’limi va sog‘liqni saqlash sohalarida tizimli vakansiyalar sezilarli ulushni tashkil etadi”, — dedi Temur Mahmudov.
Mavzuga doir:
- Shavkat Mirziyoyev O‘zbekistonda “yoshlar daftari” va “ayollar daftari”ni shakllantirish bo‘yicha vazifalarni belgilab berdi
- Shavkat Mirziyoyev Yashnoboddagi 22 ta kasbga o‘rgatadigan “Ishga marhamat” markazini borib ko‘rdi
- O‘zbekistonda pandemiya davrida 1,2 ming ayolning mehnat huquqlari tiklandi
- O‘zbekistonda karantin davrida qancha fuqaro doimiy daromad bilan ta’minlangani ma’lum qilindi
Izoh (0)