Январь ойига қадар республиканинг 14 та ҳудудида комплекс хизмат кўрсатувчи замонавий моно-марказлар ташкил этилади. Бу ҳақда 28 октябрь куни АОКАда «Аҳоли бандлиги тўғрисида»ги қонуннинг аҳамияти ва соҳага оид долзарб масалалар юзасидан ўтказилган матбуот анжуманида маълум қилинди.
«Дарё» мухбирининг хабар беришича, Бандлик ва меҳнат муносабатлари вазирлиги бошқарма бошлиғи Темур Маҳмудов айни пайтда Ўзбекистон меҳнат бозорида қайси касб эгаларига талаб юқорилиги ҳақида сўз юритди.
«Кўпчиликка маълум, яқинда ягона миллий меҳнат тизими ишга туширилди. Мулкчилик шаклидан қатъий назар, барча иш берувчи ташкилотлар ўзидаги бўш иш ўринлари, ходимлари билан тузган меҳнат шартномаларини шу тизимга киритиб бормоқда.
Таҳлилларга кўра, Ўзбекистон меҳнат бозорида қурувчиларга талаб юқори. Чунки пандемия даврида ҳам қурилиш ишлари жадал давом этмоқда. Тошкент ва Самарқанд шаҳарларида ИТ-мутахассисларига нисбатан талаб катта. Текстиль корхоналар сони кўпайгани сари тикувчи хотин-қизларга ҳам эҳтиёж ортиб боряпти. Давлат ташкилотлари бўйича эса халқ таълими ва соғлиқни сақлаш соҳаларида тизимли вакансиялар сезиларли улушни ташкил этади», — деди Темур Маҳмудов.
Мавзуга доир:
- Шавкат Мирзиёев Ўзбекистонда «ёшлар дафтари» ва «аёллар дафтари»ни шакллантириш бўйича вазифаларни белгилаб берди
- Шавкат Мирзиёев Яшнободдаги 22 та касбга ўргатадиган «Ишга марҳамат» марказини бориб кўрди
- Ўзбекистонда пандемия даврида 1,2 минг аёлнинг меҳнат ҳуқуқлари тикланди
- Ўзбекистонда карантин даврида қанча фуқаро доимий даромад билан таъминлангани маълум қилинди
Изоҳ (0)