Namangan viloyati Namangan tumanida Damas yo‘ldan o‘tayotgan piyodani urib ketdi, deya xabar bermoqda IIV.
Qayd etilishicha, 23-oktabr kuni soat 20:30 larda Namangan tumani “Anjirzor” MFYning ichki yo‘lida Damas avtomashinasini boshqarib borayotgan haydovchi harakat xavfsizligini ta’minlay olmay, yo‘lni kesib o‘tayotgan piyodani urib yuborgan.
Natijada piyoda qo‘shma shikast, bosh miya yopiq shikasti, bosh miya og‘ir darajali lat yeyishi tashxisi bilan shifoxonaga yotqizilgan. Ko‘rsatilgan tez tibbiy yordamga qaramay, jabrlanuvchi 24-oktabr kuni soat 09:00 da vafot etgan.
Ushbu holat bo‘yicha tuman IIB huzuridagi Tergov bo‘linmasi tomonidan Jinoyat kodeksining 266-moddasi 2-qismi (odamlar o‘limiga olib kelgan transport vositalari harakati yoki ulardan foydalanish xavfsizligi qoidalarini buzish) bilan jinoyat ishi qo‘zg‘atilgan.
Avvalroq Jizzaxda yoritish chiroqlarisiz harakatlangan Cobalt yuk mashinasiga urilishi oqibatida bir kishi, Farg‘onada avtomobil boshqaruvini yo‘qotib, daraxtga urilgan 16 yoshli haydovchi, Andijonda Damas yuk mashinasiga urilishi oqibatida voyaga yetmagan yo‘lovchi va Chilonzorda avtomobil boshqaruvini yo‘qotib, daraxtga urilgan 21 yoshli haydovchi halok bo‘lgani haqida xabar berilgandi.
Izoh (0)