Kundalik hayotdagi istalgan obyektning nusxasini kompyuter ekraniga ko‘chirish usuli paydo bo‘ldi (video)

Smartfon kamerasi yordamida tezda suratga olib, undagi obyektni fondan ajratgan holda kompyuterdagi istalgan dasturga joylashtirish imkonini beradigan onlayn-servis paydo bo‘ldi. Buning uchun smartfonni obyektga, shundan so‘ng kompyuter ekraniga yaqinlashtirish lozim — u foydalanuvchi ko‘rsatgan joyda paydo bo‘ladi, deb yozadi Hi-Tech.Mail.ru.

Bu orqali tezda suratga olib, otkritkalar, maketlar, saytlar, maqolalar va boshqa materiallarga turli predmetlarni joylashtirish mumkin. Fonni o‘chirib tashlash va qayta ishlash uchun ortiqcha vaqt sarflashga hojat yo‘q. ClipDrop servisi ko‘plab zamonaviy dasturlar va tahrirlagichlar bilan integratsiyalasha oladi, masalan, Google Docs, Microsoft Office, Photoshop, Figma va hokazo.

Ishlash tartibi quyidagicha:

https://twitter.com/cyrildiagne/status/1319262984523448323

Servis yaxshi yoritilmagan joylarda obyektlarni aniq tanimay, fondan ajrata olmasligini unutmaslik kerak. Shuningdek, smartfon kamerasi ham yaxshi bo‘lishi lozim.

Shu bilan birga, tasvirni nafaqat smartfon yordamida, to‘g‘ri kompyuterning o‘zida ham qirqish mumkin — buning uchun dasturni ishga tushirish va uni kursor bilan ajratish kerak bo‘ladi. Bu xuddi skrinshotdek, faqat servis fondan obyektni ajratib oladi.

You can capture directly from your desktop with a screenshot and drag & drop to any other app (my favorite feature 🤩)

It works from/to virtually any application & websites: @figmadesign, @Photoshop, @Canva, @Pitch, @Powerpoint, @GoogleDocs...etc!#ML #Augmented #DesktopOS pic.twitter.com/JZNIgrjYck

— Cyril Diagne (@cyrildiagne) October 22, 2020

ClipDrop servisi dasturchilari hozirda ilovaning final versiyasini ishga tushirgan. Undan foydalanish uchun yiliga 40 dollar to‘lash lozim.