Amerikaning Boston Dynamics kompaniyasi tomonidan yaratilgan Spot robot-iti birinchi bor Chernobil hududida sinovdan o‘tkazildi, deb xabar beradi IXBT.
Sinov Bristol universiteti tadqiqot guruhi hamda “Radioaktiv chiqindilar bilan ishlash bo‘yicha markaziy korxona” ixtisoslashgan davlat tashkiloti mutaxassislari bilan hamkorlikda o‘tkazilgan.
Shuningdek, uchuvchisiz boshqariladigan uchish qurilmalari, yerda harakatlanuvchi robot tizimlar, hududdagi radioaktiv materiallar tarqalishini baholovchi skaner-datchiklar, jumladan, fotogrammetriya, lidar, gamma-spektrometr, giperspektral va neyron datchiklardan foydalanilgan.
Xususan, “Rijiy les” radioaktiv chiqindilarni vaqtincha saqlash punktidagi ikkita sektorda, shuningdek, radioaktiv chiqindilar ko‘milgan “Podlesniy” va “Buryakovka” punktlarida radiometrik va geofizik ishlar amalga oshirilgan.
Mutaxassislar tadqiqotlar yakunida 3D formatda tasvirlarni qo‘lga kiritish va radionuklidlar faolligining tarqalishi xaritasi, shuningdek, “Rijiy les”ning zararlangan hududlari tasvirlarini olishni rejalashtirmoqda.
Avvalroq Boston Dynamics’ning robot-iti 74,5 ming dollardan sotuvga chiqqani, u Singapur bog‘ida odamlar orasidagi oraliq masofani tekshirishni boshlagani to‘g‘risida xabarlar berilgandi.
Mavzuga doir: Video: Boston Dynamics roboti cho‘ponlik qilishi mumkin
Izoh (0)