АҚШнинг SpaceX космик компанияси Falcon 9 узаткич-ракетаси воситасида яна 60 та Starlink сунъий йўлдошини коинотга учирди. Бу лойиҳа доирасидаги 15-парвоз, айни вақтда орбитада 900 та Starlink сунъий йўлдошлари учиб юрибди.
Шунингдек, бу SpaceX’нинг 100-муваффақиятли парвозига айланди. Парвоз АҚШдаги Канаверал бурнидаги NASA космодромидан амалга оширилган.
Унда 2020 йилда икки марта парвоз амалга оширилган Falcon 9’нинг биринчи ракета ташувчисидан фойдаланилди, сентябрда ҳам Starlink миссияси парвозида ушбу ракета-ташувчи ишлатилганди. Қурилма Атлантика океанидаги платформага муваффақиятли қайтган.
Мавзуга доир:
SpaceX орбитага 12 мингта сунъий йўлдош жойлаштириш, шундан сўнг яна 30 мингтаси ёрдамида Ернинг тўлиқ юзасини интернет билан таъминлашни режалаштирган. Режаларга кўра, Шимолий Америка Starlink билан 2020 йилнинг охирига қадар тўлиқ қопланади, сайёранинг қолган қисмларини коинотдаги интернетга улаш эса 2021 йилда амалга оширилади.
SpaceX компанияси Starlink лойиҳасини 2014 йилдан буён ривожлантириб келмоқда — ўшанда Илон Маск биринчи бор бутун дунёни глобал сунъий йўлдош интернет билан бирлаштириш борасидаги режалари билан бўлишган. Ҳозирда бета-тест дастури АҚШнинг шимолий ва Канаданинг жанубий қисми билан чегараланган.
Изоҳ (0)