Uzbekistan GTL zavodi qurilishida ishtirok etayotgan ishchilarning to‘poloni paytida yetkazilgan zarar qanday qoplanishiga oydinlik kiritildi, deya xabar berdi “Daryo” muxbiri.
Xabar berilishicha, Energetika vazirligi tomonidan tashkil etilgan press-turda jurnalist va blogerlar ishchilar to‘poloni paytida yetkazilgan zarar va zararning kim tomonidan qoplanishi bilan qiziqqan.
Bu savolga javob bergan Uzbekistan GTL bosh direktori Faxriddin Abdurasulov “Bu holat huquqni muhofaza qiluvchi organlar tomonidan o‘rganiladi. Biz oldindan biror gap aytolmaymiz. Ammo davlatimiz qonunchiligi bo‘yicha holat o‘rganilib, bizga xulosa beriladi. Shundan so‘ng bu haqda biror nima deyishimiz mumkin”, — dedi.
Eslatib o‘tamiz, qurilishda ishtirok etayotgan ishchilarning norozilik uyushtirishi bilan bog‘liq xatti-harakati Qashqadaryo viloyati prokuraturasi xodimlari tomonidan o‘rganilmoqda.
Energetika vazirligi 21-oktabr kuni 7:30 da boshlangan ishchilarning noroziligi bosh pudratchilar (Enter Engineering, Hyundai Engineering), shuningdek, buyurtmachi (Uzbekistan GTL) ofis binolarining deraza oynalari, ofis jihozlarini sindirish, shuningdek, boshqa vaqtinchalik bino va inshootlar (oshxona, omborlar, nazorat punktlari va boshqalar) buzilishiga olib kelganini ma’lum qilgandi.
Mavzuga doir:
- “Ishchilarimiz uzoq vaqt qurilish maydonida qolib ketgani uchun ularda ruhiy toliqish bo‘lgan”. Uzbekistan GTL bosh direktori ishchilari noroziligini izohladi
- Uzbekistan GTL’ni qurayotgan kompaniya mehnat qonunchiligi talablarini qo‘pol ravishda buzgani ma’lum qilindi
- Uzbekistan GTL zavodi ishchilarining noroziligiga sabab bo‘lgan yana bir holat ochiqlandi
- Energetika vazirligi: Uzbekistan GTL’dagi vaziyat barqarorlashgan, barcha muammo va masalalar joyida ijobiy hal etildi
Izoh (0)