Farg‘ona viloyati Rishton tumanida Nexia avtomobili Gmindi rusumli elektroskuterni urib, yo‘l-transport hodisasi sodir etdi, deya xabar bermoqda viloyati IIBB.
Qayd etilishicha, 20-oktabr kuni fuqaro I.F. Nexia rusumli avtomashinasini Do‘tir qishlog‘i hududida boshqarib ketayotib, Gmindi elektroskuterda qatnov qismini kesib o‘tayotgan M.D.ni urib yuborgan.
Oqibatida skuter haydovchisi M.D. tan jarohati olib, shifoxonada vafot etgan.
Mazkur holat yuzasidan Rishton tumani IIB huzuridagi tergov bo‘linmasi tomonidan Jinoyat kodeksining 266-moddasi 2-qismi (odamlar o‘limiga olib kelgan transport vositalari harakati yoki ulardan foydalanish xavfsizligi qoidalarini buzish) bilan jinoyat ishi qo‘zg‘atilib, tergov harakatlari olib borilmoqda.
Avvalroq Namanganda KIA va MAN yuk mashinalari o‘rtasida yuz bergan YTH oqibatida bir kishi, Andijonda ikki Nexia to‘qnashuvi natijasida ikki kishi va Surxondaryoda kanalga tushib ketgan Nexia-3’da yong‘in chiqishi oqibatida to‘rt kishi halok bo‘lgani haqida xabar berilgandi.
Izoh (0)