“Auto.ru” saytida “VAZ-2102” universalining sotuvga qo‘yilgan to‘g‘risida e’lon paydo bo‘ldi: turli o‘lchamli g‘ildiraklarga ega “Jiguli” 1,5 million rublga (19,5 ming dollar) baholanmoqda — bu pulga yangi Kia K5 xarid qilish mumkin. Bu hozirgi kunda mazkur sayt orqali sotuvga qo‘yilgan eng qimmat “Jiguli” hisoblanadi, deb yozadi Motor.
E’lon muallifining ta’kidlashicha, ushbu “VAZ-2102” SlowLow — “Kastom Konsepsiya—2020”da g‘oliblikni qo‘lga kiritgan ko‘rgazma loyihasi. Avtomobil 2019-yili Qrimda xarid qilingan bo‘lib, unga bir kishigina egalik qilgan. Tom qismi oq, kuzovi Camdy jigarrangga bo‘yalgan “Jiguli”ga past profilli rezina kiygizilgan SSR MK-1 diskalari, yukxonasiga esa to‘rt konturli “pnevmopodveska” kompressorlari o‘rnatilgan.
Original jigarrang rangida ishlangan salon ideal holatda saqlangan. O‘zgartirish kiritilgan jihatlari — orqani ko‘rishga mo‘ljallangan oyna “Volga”niki, uzatmalar qutisi richagi xromlangan hamda tashqi oldingi tirgaklarning yuqori qismiga Amerikada ishlab chiqarilgan oynalar qotirilgan.
“Jiguli” dvigateli yangi 1,5 litrli “VAZ-2103”niki bilan almashtirilgan bo‘lib, u 75 ot kuchini taqdim etishga qodir. Agregat modernizatsiyaga uchragan: muqobil taqsimlash vali, Bimotors litiyli kollektori, Weber karbyuratori, yangi yoqilg‘i uzatgichlar o‘rnatilgan.
Mavzuga doir: Rossiyalik blogerlar “Jiguli”ga “ZIL-130” dvigateli o‘rnatish loyihasini yakuniga yetkazdi (video)
Izoh (0)