Qozog‘istonda “Buxanka” avtobusi bazasida yaratilgan “TTC-34014” gusenitsali vezdexodi sotuvga qo‘yildi. Bu kabi mashinalar Nijegorod viloyatidagi korxona tomonidan kichik partiyada yig‘ilgan. Gusenitsali “Buxanka” uchun sotuvchi 7,8 million tenge (18 ming dollar) so‘ramoqda. Rossiyada bu pulga “SGR” oilasiga kiruvchi ikkita yangi avtobus xarid qilish mumkin, deb xabar beradi Motor.
Gusenitsali “Vetluga” — bu Rossiyaning “TransMash” kompaniyasi loyihasi. Avtomobil yengil vezdexod sinfiga kiradi, uning asosiy vazifasi — odamlar yoki yuklarni yo‘lsiz hududlarga, shu jumladan, qor va botqoqli joylarga eltishdan iborat. Mashina furgon va qayiq gibridi ko‘rinishiga ega: ostki qismi germetik bo‘lib, suzishga imkon beradi, tumshuq qismi esa ko‘tarilgan, shu sababli “Vetluga” keskin qiyaliklarni ham bosib o‘ta oladi.
Vezdexod 2,9 litrli benzin dvigatel yordamida harakatga keladi. Motor esa mexanik uzatmalar qutisi yordamida boshqariladi. Maksimal tezligi soatiga 60 kilometrni tashkil etadi. E’lon muallifining so‘zlariga ko‘ra, mazkur “Vetluga” hozirga qadar 260 kilometrgina yo‘l bosgan.
“Vetluga”ning bir necha modifikatsiyasi bo‘lib, ular o‘rindiqlari soni bilan bir-biridan farq qiladi. Sotuvga qo‘yilgan nusxa ichiga to‘qqiz yo‘lovchi sig‘adi.
Avvalroq Amerikaning Racing Junk onlayn maydonchasida gusenitsali yo‘ltanlamasga aylantirilgan Ford Aerostar sotuvga qo‘yilgani to‘g‘risida xabar berilgandi.
Izoh (0)