“Taxtlar o‘yini” seriali ko‘pgina yosh aktyorlar uchun shuhrat olamiga chipta bo‘lib xizmat qildi. Serial ularni butun dunyoga mashhur qilib yuborgani shubhasiz. Xo‘sh, kartinada ot va ajdarlarda yurib ko‘rgan qahramonlar hayotda qanday avtomobildan foydalanadi? Yulduzlar garajiga sayohat qilib, bu haqda to‘liq ma’lumotga ega bo‘lish mumkin.
Ned Stark – Shon Bin
Avtomobil: Ford Ranger
Shon Bin serialga suratga tushmasidan ham avval mashhurlikka erishgan aktyorlardan biri. U ijro etgan obrazlar odatda kartina oxirigacha yetib bormaydi. “Taxtlar o‘yini”da ham shunday voqea ro‘y berdi. Shon hayotda ko‘plab avtoulovlarni boshqarishga muvaffaq bo‘ldi. Ammo hozirda aktyorning Ford Ranger boshqarayotganini ko‘rish mumkin. Endi u kimdir mashinasiga zarar berishdan xavotir olmaydi.
Tormund – Kristofer Xivyu
Avtomobil: Porsche Boxster
Serial orqali tomoshabinlarga tanilgan aktyor Kristofer Xivyu chiroyli mashinalarni yaxshi ko‘radi. Ajablanarlisi shundaki, qo‘pol qahramon obrazida namoyon bo‘lgan aktyor hayotda oppoq mashinani boshqaradi. Porsche Boxster, albatta, Xivyuning xarakteriga ham juda mos keladi.
Margeri Tirell – Natali Dormer
Avtomobil: Toyota Prius va 1963-yilgi Aston Martin DB5
Natali Dormer serialda Margeri Tirell qahramoni rolida namoyon bo‘lmasidan avval ham Angliyada mashhur aktrisalardan biri edi. Aktrisa klassik uslubidagi mashinalarni xush ko‘radi. Uning ikkita avtomobili mavjud bo‘lib, biri Toyota Prius, ikkinchisi 1963-yilda to‘liq ta’mirlangan Aston martin DB5.
Kxal Drogo – Jeyson Momoa
Avtomobil: Range Rover va Land Rover Defender
Aktyor serialga qadar bir qancha filmlarda rol ijro etgan bo‘lsa-da, unchalik mashhur emasdi. Jeyson hayotda ham filmlardagi qahramoniga juda o‘xshaydi. Uning garajida Range Rover va Land Rover Defender mashinalari, shuningdek, motosikllari ham bor.
Teon Greyjoy – Alfi Allen
Avtomobil: Mercedes-Benz GLC
San’atkorlar oilasi a’zosi Alfi Allen Londonda Mercedez-Benz GLC rusumli avtomashinani boshqarayotgan bo‘lsa-da, u aslida kimga tegishli ekani noma’lum. Chunki aktyorning o‘zi avtomobillarga pul sarflashdan foyda yo‘qligini ta’kidlagan.
Serseya Lannister – Lina Xidi
Avtomobil: Audi A7, Jeep Cherokee, Tesla Model S, Chrysler 300
Serialdagi muvaffaqiyatga erishgan aktrisalardan biri. Shuning uchun unda avtomobillar to‘plami uchun ajoyib imkoniyat mavjud. Bugun aktrisaning garajida Audi A7, Jeep Cherokee, Tesla Model S, Chrysler 300 rusumli mashinalar mavjud. Mish-mishlarga ko‘ra, aktrisa serialdagi qahramoni kabi yo‘l qoidalariga rioya qilmaydi.
Tirion Lannister – Piter Dinkleyj
Avtomobil: Chrysler 300
Piter chindan ham mashina boshqaruvini yaxshi ko‘rishi va o‘zi uchun moslashtirilgan bir nechta mashinaga ega bo‘lishi mumkin. Kundalik qatnov uchun aktyor ko‘pincha avtomat uzatmaga ega bo‘lgan to‘lqi g‘ildirkali Chrysler 300’ni ma’qul ko‘radi.
Sansa Stark – Sofi Terner
Avtomobil: Porsche Panamera, Audi A7, Volvo V90, Audi R8
Aktrisa serialga suratga tushish jarayonida parallel ravishda boshqa kartinalarda ham ishtirok etdi. Ammo u “Taxtlar o‘yini”dek tomoshabinlarni zavqlantirmadi. Shuning uchun ham seraildan kelgan daromad bir necha avtomobillar sotib olish imkonini berdi. Uning kolleksiyasini Porsche Panamera, Audi A7, Volvo V90, Audi R8 kabi mashinalar tashkil etadi.
Deyneris Targarien – Emiliya Klark
Avtomobil: Audi Q3, Audi A8, Mercedes-Benz CLK-Class, Aston Martin DB9
Filmlardagi rollari uchun 2 million dollar gonorar olgan aktrisa avtomobillar kolleksiyasini yaratish uchun yetarlicha mablag‘ to‘plagan edi. Uning garajida Audi Q3, Audi A8, Mercedes-Benz CLK-Class, Aston Martin DB9 kabi mashinalar mavjud. Garchi ular ajdaho bo‘lmasa-da, odamlar uchun eng yaxshi transport vositalaridan biridir.
Jon Snou – Kit Xarington
Avtomobil: Jaguar F-Type, Infiniti Q60, Land Rover Defender 90
Aktyorning sevimli mashinasi Triumph Thruxton. Uning kolleksiyasidan Jaguar F-Type, Infiniti Q60, Land Rover Defender 90 kabi mashinalar o‘rin olgan. Jaguar F-Type va Infiniti Q60 mashinasi esa to‘y sovg‘asi sifatida hadya etilgan.
Izoh (0)