AQShdagi Sadia laboratoriyasi eng halokatli qurol — yadroviy kallakchalarni tashishga mo‘ljallangan maxsus yuk mashinasini sinovdan o‘tkazdi, deb xabar beradi The Drive.
Snaryadlar ekstremal holatlarda ham butun qolishini tekshirish maqsadida yuk mashinasi eng og‘ir sharoitlar sinovdan o‘tkaziladi. Shu kabi vaziyatlardan biri laboratoriyada imitatsiya qilingan bo‘lib, unda boshqa bir yuk mashinasi yadroviy kallakchalar ortilgan avtomobilga yon tomonidan to‘g‘ri burchak ostida kelib uriladi. Biroq bu oddiy yuk mashinasi emas, unga gibrid raketa dvigateli o‘rnatilgan bo‘lib, u to‘qnashuv vaqtida qo‘shimcha quvvatni hosil qilishga yordam beradi.
Laboratoriya vakillarining ma’lum qilishicha, test muvaffaqiyatli o‘tgan. Aniq sabablarga ko‘ra, ular yuk mashinasi konstruksiya va sinov tafsilotlari haqidagi batafsil ma’lumotlarni oshkor etmagan. Uning asosiy maqsadi — avariya holatlari yadroviy qurolning butunligini saqlab qolish. Bu turdagi kallakchalarda tasodifiy ishga tushirishlardan himoya qiluvchi ko‘plab mexanizmlar bor, shu sababli u o‘z o‘zidan portlab ketmaydi, biroq yadroviy materiallar baribir atmosferaga tushishi mumkin.
Sinovlar yadroviy qurollarni tashishda attestatsiya olishni rejalashtirayotgan Mobile Guardian Transporter (MGT) yuk mashinalari uchun o‘tkazilmoqda. U bundan oldingi SGT avlod yuk mashinalarining o‘rnini egallaydi.
Izoh (0)