SSC Tuatara giperkari AQShning Nevada shtatidagi 160 davlat trassasida rekord o‘rnatdi. Giperkar dunyodagi eng tezkor seriyali avtomobilga aylandi, deb yozadi Business Insider.
Avtomobilning o‘rtacha tezligi 316,11 mil/soatni (508,7 km/soat) tashkil etgan. Bu 15 ta sun’iy yo‘ldosh yordamida qayd etilgan.
Poygalar uchun mo‘ljallangan yo‘lda esa SSC Tuatara’ning tezligi soatiga 532,9 kilometrga yetgan. Uni professional poygachi Oliver Uebb boshqargan.
Shunday qilib, avtomobil 2019-yili Germaniyadagi ulkan Volkswagen Ehra-Lessien sinov yo‘lida Bugatti Chiron Super Sport tomonidan o‘rnatilgan rekordni yangiladi. Ars Technica ma’lumotlariga ko‘ra, o‘shanda Chiron Super Sport tezligi soatiga 490,4 kilometrga yetgan.
Eslatib o‘tamiz, shu yilning iyun oyida Amerikadagi Specialty Vehicle Engineering (SVE) cheklangan nusxada yaratilgan o‘rta o‘lchamli dunyodagi eng tezkor pikap — Syclone’ni taqdim etgandi.
Mavzuga doir: Dunyodagi eng tezkor limuzin sotuvga qo‘yildi (foto)
Izoh (0)