Farg‘ona viloyatida Damas rusumli avtomashina haydovchisi boshqaruvni yo‘qotishi oqibatida kanalga tushib ketdi, deya xabar bermoqda FVV.
Ma’lum qilinishicha, 2020-yil 20-oktabr kuni Katta Farg‘ona kanali bo‘ylab avtomagistralda harakatlanayotgan, Namangan viloyati, Uchqo‘rg‘on tumanida yashovchi fuqaro Damas rusumli avtomobilida boshqaruvni yo‘qotgan. Oqibatda suv havzasiga tushib ketgan.
Haydovchi cho‘kayotgan avtomashinadan xavfsiz ravishda chiqib ketishga muvaffaq bo‘lgan va Favqulodda vaziyatlar vazirligining viloyat boshqarmasi xodimlarini chaqirgan.
Voqea joyiga yetib kelgan qutqaruvchilar maxsus texnika yordamida avtomobilni qirg‘oqqa olib chiqqan.
Avvalroq Samarqandda Epica kanalga, Malibu esa zovurga tushib ketgani haqida xabar berilgandi.
Izoh (0)