АҚШдаги Sadia лабораторияси энг ҳалокатли қурол — ядровий каллакчаларни ташишга мўлжалланган махсус юк машинасини синовдан ўтказди, деб хабар беради The Drive.
Снарядлар экстремал ҳолатларда ҳам бутун қолишини текшириш мақсадида юк машинаси энг оғир шароитлар синовдан ўтказилади. Шу каби вазиятлардан бири лабораторияда имитация қилинган бўлиб, унда бошқа бир юк машинаси ядровий каллакчалар ортилган автомобилга ён томонидан тўғри бурчак остида келиб урилади. Бироқ бу оддий юк машинаси эмас, унга гибрид ракета двигатели ўрнатилган бўлиб, у тўқнашув вақтида қўшимча қувватни ҳосил қилишга ёрдам беради.
Лаборатория вакилларининг маълум қилишича, тест муваффақиятли ўтган. Аниқ сабабларга кўра, улар юк машинаси конструкция ва синов тафсилотлари ҳақидаги батафсил маълумотларни ошкор этмаган. Унинг асосий мақсади — авария ҳолатлари ядровий қуролнинг бутунлигини сақлаб қолиш. Бу турдаги каллакчаларда тасодифий ишга туширишлардан ҳимоя қилувчи кўплаб механизмлар бор, шу сабабли у ўз ўзидан портлаб кетмайди, бироқ ядровий материаллар барибир атмосферага тушиши мумкин.
Синовлар ядровий қуролларни ташишда аттестация олишни режалаштираётган Mobile Guardian Transporter (МGТ) юк машиналари учун ўтказилмоқда. У бундан олдинги SGТ авлод юк машиналарининг ўрнини эгаллайди.
Изоҳ (0)