YouTube’dagi Carwow kanali blogerlari noodatiy, shu bilan birga, so‘nggi vaqtlardagi eng qimmat dreg-poygani uyushtirdi: ular Bentley Continental GT’ni Rolls-Royce Wraith Black Badge’ga qarshi qo‘ygan.
Continental kupesiga 626 ot kuchi va 900 Nm aylanuvchi momentga ega olti litrli W12 dvigateli o‘rnatilgan. Motor sakkiz pog‘onali robot uzatmalar qutisi hamda momentlarni to‘rtta g‘ildiraklarning barchasiga uzatuvchi ikkita mufta bilan jihozlangan.
Ikki eshikli Rolls-Royce Wraith’ga esa BMW’ning 6,6 litrli V12 biturbodvigateli o‘rnatilgan. Agregat quvvati 632 ot kuchi va 870 Nm aylanuvchi momentga teng. U sakkiz pog‘onali avtomat uzatmalar qutisi yordamida boshaqariladi.
Mazkur poygada kim g‘olib bo‘lishi oldindan deyarli aniq bo‘lgan: Bentley’ning dvigateli, uzatmalar qutisi ancha samarador bo‘lib, bu unga birinchilikni olishiga yordam bergan.
Avvalroq YouTube’dagi Sport Auto kanali ekspertlari orqa uzatmali, o‘rta motorli sportkarlar – Chevrolet Corvette C8 Stingray, Porsche 911 Carrera S (992) va yangilangan Audi R8 RWD’ni o‘zaro taqqoslab ko‘rgandi.
Izoh (0)