Yevropa Chempionlar Ligasining 1-turidan o‘rin olgan bir qator uchrashuvlar 20-oktabr, seshanba kuni bo‘lib o‘tdi.
“Barselona” o‘z maydonida “Ferensvarosh”ni qabul qildi. Uchrashuvning 27-daqiqasida Lionel Messi o‘zi ishlab olgan penaltini golga aylantirgan holda hisobni ochgan bo‘lsa, 42-daqiqada Ansu Fati jamoasining ikkinchi golini urdi.
Ikkinchi bo‘lim debyutida Filippe Koutinyo jamoasining chiroyli kombinatsiyasini muvaffaqiyatli yakunladi. 70-daqiqaga kelib katalon bir o‘yinchi kam bo‘lib qoldi: Xerard Pike darvozabon bilan birga bir vaziyatga chiqib ketayotgan raqib futbolchisini to‘xtatib qoldi va to‘g‘ridan to‘g‘ri qizil kartochka oldi. 11 metrlik jarima zarbasini Igor Haratin aniq ijro etdi.
Kamchilik bo‘lib qolganiga qaramay katalonlar o‘yin yakunlanishi arafasida ikki gol urishga erishdi. Dastlab Usmon Dembelening uzatmasidan keyin Pedri Gonsales hisobni yirik ko‘rinishga keltirdi. 89-daqiqada Messining uzatmasini Dembele gol bilan yakunladi.
Guruhning boshqa o‘yinida “Yuventus” safarda “Dinamo Kiyev”ni yengdi.
H guruhi yetakchilari PSJ va “Manchester Yunayted” jamoalari ishtirokidagi o‘yin ham qiziqarli ruhda o‘tdi. O‘yin parijliklarning qator hujumlari bilan boshlandi. Biroq mehmonlar 23-daqiqada penaltidan gol urib, hisobda oldinga o‘tib oldi. Ikkinchi bo‘lim debyutida Neymarning burchakdan uzatgan to‘pini Antoni Marsyal o‘z darvozasiga joylab qo‘ydi. Uchrashuv durang tomon ketayotgan bir vaqtda Markus Reshford o‘zining aniq zarbasi bilan so‘nggi daqiqalarda g‘alabani ilib ketdi.
Guruhning boshqa o‘yinida “Leypsig” Anxelinyoning dubli evaziga “Istanbul Bashakshehir”ni yengdi.
YChL
1-tur bahslari
20-oktabr, seshanba
G guruhi
“Barselona” Ispaniya — “Ferensvarosh” Vengriya 5:1
Gollar: 1:0 – 27, penalti Messi, 2:0 – 42 Fati, 3:0 – 52 Koutino, 3:1 – 70, penalti Haratin, 4:1 – 82 Pedri, 5:1 – 89 Dembele.“Barselona”: Neto, Langle, Dest, Serxi Roberto (Firpo, 62), Pike, Pyanich (Buskets, 76), de Yong, Fati (Pedri, 63), Koutinyo (Arauxo, 70), Trinkau (Dembele, 63), Messi.
“Ferensvarosh”: Dibus, Botka (Lovrenchich, 77), Kovachevich, Blajich, Chivich (Hayster, 63), Izael, Haratin, Zubkov (Mak, 71), Shiger, Ngen (Boli, 71), Laiduni (Somalia, 63).
Ogohlantirishlar: Laiduni (32), Chivich (44), Haratin (85), Kovachevich (90).
Chetlatish: Pike (68).
“Dinamo Kiyev” Ukraina — “Yuventus” Italiya 0:2
Gollar: 0:1 – 46 Morata, 0:2 – 84 Morata.H guruhi
PSJ Fransiya — “Manchester Yunayted” Angliya 1:2
Gollar: 0:1 – 23, penalti Brunu Fernandesh, 1:1 – 55, avtogol Marsyal, 1:2 – 87 Reshford.PSJ: Navas, Kurzava (Bakker, 86), Florensi (Dagba, 79), Kimpembe, Diallo, Errera (Rafinya, 79), Danilu Pereyra, Guye (Kin, 46), Di Mariya (Sarabiya, 86), Neymar, Mbappe.
“Manchester Yunayted”: De Xea, Lindelyof, Tuanzebe, Shou, Telles (Pogba, 67), Brunu Fernandesh (van de Bek, 88), Fred, Maktominey, Uan-Bissaka, Reshford, Marsyal (Jeyms, 88).
Ogohlantirishlar: Neymar (34), Maktomini (36), Tuanzebe (72), Danilu Pereyra (84), Kin (90).
“Leypsig” Germaniya — “Istanbul” Turkiya 2:0
Gollar: 1:0 – 16 Anxelinyo, 2:0 – 20 Anxelinyo.Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
Izoh (0)