Futbol bo‘yicha Yevropa Chempionlar Ligasining guruh bosqichiga 20-oktabr, seshanba kuni start berildi.
E guruhi favoritlari “Chelsi” va “Sevilya” o‘zaro bahs yuritdi. Londonda kechgan bahsda hisob ochilmadi.
Guruhning ikkinchi o‘yini “Renn” va “Krasnodar” jamoalari o‘rtasida kechdi. Ikkinchi bo‘lim debyutida jamoalar o‘zaro bir martadan gol almashdi. Qolgan vaqtda mana shu hisob saqlanib qoldi.
“Latsio” jamoasi o‘z uyida “Borussiya D” bilan o‘ynadi. Uchrashuvning 6-daqiqasidayoq Chiro Immobile rimliklarni oldinga olib chiqqan bo‘lsa, bo‘lim o‘rtalariga kelib dortmundliklar darvozaboni avtogol muallifiga aylandi.
Bunga mehmonlar 71-daqiqada Erling Holandning goli bilan javob qaytarishga muvaffaq bo‘ldi. Biroq oradan ko‘p vaqt o‘tmay Jan-Daniel Akpa-Akpro maydon egalarining uchinchi to‘pini kiritdi.
Guruhning boshqa o‘yinida “Zenit” jamoasi “Bryugge”ga yutqazib qo‘ydi.
YChL
1-tur bahslari
20-oktabr, seshanba
E guruhi
“Chelsi” Angliya — “Sevilya” Ispaniya 0:0
“Chelsi”: Mendi, Chiluell, Jeyms, Tiago Silva, Zuma, Maunt (Ziyosh, 62), Pulishich, Kante, Jorjinyo (Kovachich, 65), Haverts, Verner.“Sevilya”: Bunu, Navas, Diyego Karlos, Serxi Gomes (Jordan, 33), Akunya, Gudel, Rakitich (Vaskes, 80), Okampos, Fernando, Suso (Oliver Torres, 58), de Yong (En-Nesiri, 80).
Ogohlantirishlar: Jorjinyo (14), Maunt (36), Akunya (43), Chiluell (64), Jordan (87).
“Renn” Fransiya — “Krasnodar” Rossiya 1:1
Gollar: 1:0 – 56, penalti Girassi, 1:1 – 59 Ramires.F guruhi
“Latsio” Italiya — “Borussiya D” Germaniya 3:1
Gollar: 1:0 – 6 Immobile, 2:0 – 23, avtogol Xits, 2:1 – 71 Holand, 3:1 – 76 Akpa-Akpro.“Latsio”: Strakosha, Acherbi, Luis Felipe (Xudt, 51), Gabarron, Marushich, Leyva, Fares, Milinkovich-Savich (Akpa-Akpro, 67), Luis Alberto (Parolo, 80), Korrea (Muriki, 67), Immobile (Kaysedo, 81).
“Borussiya D”: Xits, Menye, Pishchek (Brandt, 65), Hummels, Gerreyru, Vitsel, Dileyni, Sancho, Bellinghem (Reyna, 46), Roys (Reynier, 78), Holand.
Ogohlantirishlar: Luis Alberto (42), Dileyni (61), Reyna (62), Strakosha (84).
“Zenit” Rossiya — “Bryugge” Belgiya 1:2
Gollar: 0:1 – 63 Dennis, 1:1 – 74, avtogol Xorvat, 1:2 – 90+3 de Ketelare.Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
Izoh (0)