Yevropa Chempionlar Ligasining 1-turiga 20-oktabr, seshanba kuni start berildi.
Turinning “Yuventus” klubi safarda “Dinamo Kiyev” bilan bahs yuritdi. Uchrashuvning birinchi bo‘limida kichik ustunlikka ega bo‘lgan “Yuventus” tanaffusga qadar kiyevliklar darvozasi tomon yo‘l topa olmadi.
Ikkinchi bo‘lim debyutida Alvaro Morata darvozabondan qaytgan to‘pga birinchi bo‘lib yetib keldi va hisobni ochdi. Uchrashuv yakunlanishi arafasida Morata qanotdan uzatib berilgan to‘pni boshi bilan darvozaga joylab qo‘ydi. Ushbu gollar Andrea Pirlo jamoasiga g‘alaba keltirdi.
Parallel kechgan o‘yinda “Zenit” va “Bryugge” jamoalari o‘zaro to‘qnash keldi. Unda belgiyaliklar hakam tomonidan qo‘shib berilgan vaqtdagi gol evaziga g‘alabani ilib ketdi.
YChL
1-tur bahslari
20-oktabr, seshanba
“Dinamo Kiyev” Ukraina — “Yuventus” Italiya 0:2
Gollar: 0:1 – 46 Morata, 0:2 – 84 Morata.“Dinamo Kiyev”: Bushan, Kendzera, Karavayev (Popov, 70), Zabarniy, Mikolenko, Shaparenko, Sidorchuk, Sigankov (Verbich, 71), Buyalskiy (Garmash, 89), de Pena (Rodrigesh, 60), Supryaga.
“Yuventus”: Shchensni, Kyellini (Demiral, 19), Danilo, Bonuchchi, Kuadrado, Remzi (Bernardeski, 79), Bentankur (Artur, 79), Kulusevski (Dibala, 56), Rabyo, Kyeza, Morata.
Ogohlantirishlar: Bentankur (45), Kuadrado (50), Demiral (59).
“Zenit” Rossiya — “Bryugge” Belgiya 1:2
Gollar: 0:1 – 63 Dennis, 1:1 – 74, avtogol Xorvat, 1:2 – 90+3 de Ketelare.“Zenit”: Kerjakov, Krugovoy, Rakitskiy, Karavayev, Lovren, Kuzyayev (Vendel, 72), Ozdoyev (Yeroxin, 88), Barrios, Dzyuba, Driussi (Mostovoy, 72), Azmun.
“Bryugge”: Xorvat, Mexele, Mata, Sobol, Rikka, Vormer, Rits, Diatta (Lang, 78), Vanaken, de Ketelare, Dennis (Baji, 82).
Ogohlantirishlar: Mata (12), Dennis (14), Rits (33), Lovren (53), Vanaken (85).
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
Izoh (0)