Европа Чемпионлар Лигасининг 1-туридан ўрин олган бир қатор учрашувлар 20 октябрь, сешанба куни бўлиб ўтди.
«Барселона» ўз майдонида «Ференцварош»ни қабул қилди. Учрашувнинг 27-дақиқасида Лионель Месси ўзи ишлаб олган пенальтини голга айлантирган ҳолда ҳисобни очган бўлса, 42-дақиқада Ансу Фати жамоасининг иккинчи голини урди.
Иккинчи бўлим дебютида Филиппе Коутиньо жамоасининг чиройли комбинациясини муваффақиятли якунлади. 70-дақиқага келиб каталон бир ўйинчи кам бўлиб қолди: Херард Пике дарвозабон билан бирга бир вазиятга чиқиб кетаётган рақиб футболчисини тўхтатиб қолди ва тўғридан-тўғри қизил карточка олди. 11 метрлик жарима зарбасини Игор Ҳаратин аниқ ижро этди.
Камчилик бўлиб қолганига қарамай каталонлар ўйин якунланиши арафасида икки гол уришга эришди. Дастлаб Усмон Дембеленинг узатмасидан кейин Педри Гонсалес ҳисобни йирик кўринишга келтирди. 89-дақиқада Мессининг узатмасини Дембеле гол билан якунлади.
Гуруҳнинг бошқа ўйинида «Ювентус» сафарда «Динамо Киев»ни енгди.
Ҳ гуруҳи етакчилари ПСЖ ва «Манчестер Юнайтед» жамоалари иштирокидаги ўйин ҳам қизиқарли руҳда ўтди. Ўйин парижликларнинг қатор ҳужумлари билан бошланди. Бироқ меҳмонлар 23-дақиқада пенальтидан гол уриб, ҳисобда олдинга ўтиб олди. Иккинчи бўлим дебютида Неймарнинг бурчакдан узатган тўпини Антони Марсьяль ўз дарвозасига жойлаб қўйди. Учрашув дуранг томон кетаётган бир вақтда Маркус Рэшфорд ўзининг аниқ зарбаси билан сўнгги дақиқаларда ғалабани илиб кетди.
Гуруҳнинг бошқа ўйинида «Лейпциг» Анхелинёнинг дубли эвазига «Истанбул Башакшеҳир»ни енгди.
ЕЧЛ
1-тур баҳслари
20 октябрь, сешанба
Г гуруҳи
«Барселона» Испания — «Ференцварош» Венгрия 5:1
Голлар: 1:0 – 27, пенальти Месси, 2:0 – 42 Фати, 3:0 – 52 Коутино, 3:1 – 70, пенальти Ҳаратин, 4:1 – 82 Педри, 5:1 – 89 Дембеле.«Барселона»: Нето, Лангле, Дест, Серхи Роберто (Фирпо, 62), Пике, Пьянич (Бускетс, 76), де Йонг, Фати (Педри, 63), Коутиньо (Араухо, 70), Тринкау (Дембеле, 63), Месси.
«Ференцварош»: Дибус, Ботка (Ловренчич, 77), Ковачевич, Блажич, Чивич (Ҳайстер, 63), Изаэл, Ҳаратин, Зубков (Мак, 71), Шигер, Нген (Боли, 71), Лаидуни (Сомалиа, 63).
Огоҳлантиришлар: Лаидуни (32), Чивич (44), Ҳаратин (85), Ковачевич (90).
Четлатиш: Пике (68).
«Динамо Киев» Украина — «Ювентус» Италия 0:2
Голлар: 0:1 – 46 Мората, 0:2 – 84 Мората.Ҳ гуруҳи
ПСЖ Франция — «Манчестер Юнайтед» Англия 1:2
Голлар: 0:1 – 23, пенальти Бруну Фернандеш, 1:1 – 55, автогол Марсьяль, 1:2 – 87 Рэшфорд.ПСЖ: Навас, Курзава (Баккер, 86), Флоренци (Дагба, 79), Кимпембе, Диалло, Эррера (Рафинья, 79), Данилу Перейра, Гуйе (Кин, 46), Ди Мария (Сарабия, 86), Неймар, Мбаппе.
«Манчестер Юнайтед»: Де Хеа, Линдельоф, Туанзебе, Шоу, Теллес (Погба, 67), Бруну Фернандеш (ван де Бек, 88), Фред, Мактоминей, Уан-Биссака, Рэшфорд, Марсьяль (Жеймс, 88).
Огоҳлантиришлар: Неймар (34), Мактомини (36), Туанзебе (72), Данилу Перейра (84), Кин (90).
«Лейпциг» Германия — «Истанбул» Туркия 2:0
Голлар: 1:0 – 16 Анхелинё, 2:0 – 20 Анхелинё.Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)