“Barselona” hujumchisi Lionel Messi Yevropa Chempionlar Ligasi 1-turi doirasida “Ferensvarosh”ga qarshi o‘yinda (5:1) gol urishga erishdi.
Argentinalik futbolchi 27-daqiqada penaltini aniq amalga oshirdi.
Messi “Manchester Yunayted” sobiq yarim himoyachisi Rayan Giggz tomonidan o‘rnatilgan rekordni takrorladi. Bu ikki futbolchi Chempionlar Ligasining 16 mavsumida gol urishga erishgan. Giggz Messidan farqli o‘laroq bu ishni ketma-ket amalga oshira olmagan.
Shu tariqa Messi ketma-ket 16 mavsum Chempionlar Ligasida gol urgan tarixdagi ilk futbolchi bo‘ldi.
Shuningdek, Messi katalon klubi safida Chempionlar Ligasidagi 17-mavsumini o‘tkazmoqda. Bu klub rekordi hisoblanadi.
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
Izoh (0)