“Liverpul” bosh murabbiyi Yurgen Klopp jarohat sabab safdan chiqqan Virjil van Deyk haqidagi fikrlari bilan o‘rtoqlashdi.
“Bunday vaziyatlarga dosh berish uchun o‘yinchilar yolg‘iz qolishni xush ko‘radi. Men anchadan beri futbol ichidaman va buni yaxshi bilaman. Men ham jarohatlar olganman, agar adashmasam xuddi Virjilnikidek jarohat menda ham bo‘lgan. Bunday holatdan keyin sen dunyodagi eng gapdon odam bo‘lmaysan.
Shunga qaramay biz u bilan aloqada bo‘lib turibmiz, uning uchun qayg‘uramiz va qo‘llab-quvvatlaymiz. Virjil buni biladi. Uni vafodor ayol qamoqdagi turmush o‘rtog‘ini kutgandek kutamiz va bu vaqt uning uchun iloji boricha osonroq o‘tishi uchun bor imkoniyatni ishga solamiz”, — deydi Klopp.
Van Deyk Premyer Liga 5-turida “Everton”ga qarshi kechgan bahsda (2:2) raqib darvozaboni Jordan Pikford bilan to‘qnashib ketdi. Natijada niderlandiyalik futbolchining tizza osti paylarida yorilish yuzaga kelgan. Avvalroq “Liverpul” ushbu ma’lumotni tasdiqlagan va futbolchi operatsiya qilishini ma’lum qilgandi.
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
Izoh (0)