«Ливерпуль» бош мураббийи Юрген Клопп жароҳат сабаб сафдан чиққан Виржил ван Дейк ҳақидаги фикрлари билан ўртоқлашди.
«Бундай вазиятларга дош бериш учун ўйинчилар ёлғиз қолишни хуш кўради. Мен анчадан бери футбол ичидаман ва буни яхши биламан. Мен ҳам жароҳатлар олганман, агар адашмасам худди Виржилникидек жароҳат менда ҳам бўлган. Бундай ҳолатдан кейин сен дунёдаги энг гапдон одам бўлмайсан.
Шунга қарамай биз у билан алоқада бўлиб турибмиз, унинг учун қайғурамиз ва қўллаб-қувватлаймиз. Виржил буни билади. Уни вафодор аёл қамоқдаги турмуш ўртоғини кутгандек кутамиз ва бу вақт унинг учун иложи борича осонроқ ўтиши учун бор имкониятни ишга соламиз», — дейди Клопп.
Ван Дейк Премьер Лига 5-турида «Эвертон»га қарши кечган баҳсда (2:2) рақиб дарвозабони Жордан Пикфорд билан тўқнашиб кетди. Натижада нидерландиялик футболчининг тизза ости пайларида ёрилиш юзага келган. Аввалроқ «Ливерпуль» ушбу маълумотни тасдиқлаган ва футболчи операция қилишини маълум қилганди.
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)