“PSJ” futbolchilari Mauro Ikardi, Marko Verratti, Leandro Paredes, Tilo Kerer va Xuan Bernat Chempionlar Ligasi guruh bosqichi 1-turidan o‘rin olgan “Manchester Yunayted”ga qarshi o‘yinni o‘tkazib yuboradi, deb xabar bermoqda L’Equipe.
Manbaning xabariga ko‘ra, shuningdek, bo‘lajak uchrashuvda yarim himoyachi Yulian Draksler va himoyachi Markinyosning ishtiroki ham so‘roq ostida qolmoqda. Shu bilan birga, parijlik yarim himoyachisi Anxel di Mariyaning sobiq jamoasiga qarshi o‘ynashi aniq bo‘lgan.
PSJ — “Manchester Yunayted” uchrashuvi 20-oktabr, seshanba kuni Parijda bo‘lib o‘tadi. Bellashuv Toshkent vaqti bilan 00:00 da boshlanadi.
Ma’lumot uchun, PSJ va “Manchester Yunayted” bilan bir guruhda “Istanbul Bashakshekir” hamda “Leypsig” klublari o‘rin olgan.
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
Izoh (0)