Klassik avtomobillarni qidirish va ularning savdosi bilan shug‘ullanuvchi LBI Limited kompaniyasi beshta Alfa Romeo o‘rin olgan eski garaj topilganini ma’lum qildi. Modellardan ikkitasi 40 yildan buyon minilmagan, deb xabar beradi Carakoom.
“Do‘stlarimizdan biri Pensilvaniya markaziy qismidagi omborlardan birida uzoq vaqtdan beri turgan eski Alfa Romeo’lar haqida ma’lum qildi. Bu kabi gap-so‘zlar kamdan kam hollarda odamni biror natijaga eltadi, biroq bu safar boshqacha bo‘ldi. Biz avtomobillarini sotishga rozi bo‘lgan ushbu garaj egasini qidirib topdik”, — deyiladi xabarda.
Mazkur avtomobillar hozirgi egasiga oilasining qaysidir a’zosidan meros bo‘lib qolgan. Beshta avtomobilning uchtasi atrofi o‘ralgan bo‘lib, mashinalar “tiriklay ko‘milgan”dek garajga kirish qismi fanerlar bilan yopib tashlangan bo‘lgan. Ma’lum bo‘lishicha, ushbu garaj ichidan 1967-yilgi Giulia, 1969-yilgi Berlina va 1976-yilgi Alfetta o‘rin olgan.
- AQSh o‘rmonlarining birida yarim asrlik Dodge Charger “qabristoni” topildi
- AQShda g‘avvoslar daryo tubidan noyob avtomobillar kolleksiyasini topib oldi (video)
