Oqdaryo daryosining Samarqand shahar “Shirin” mahallasiga yaqin hududida “Samarqand yo‘llardan muntazam foydalanish” unitar korxonasi tomonidan bunyod etilgan ko‘prik foydalanishga topshirildi, deya xabar bermoqda “Xalq so‘zi Online”.
Ko‘prikning ochilish marosimida viloyati hokimi Erkinjon Turdimov ham qatnashgan.
“Samarqand yo‘llardan muntazam foydalanish” unitar korxonasi direktori Murodxon Hojixonovning ma’lum qilishicha, ko‘prik loyihasining umumiy qiymati 3,5 milliard so‘mni tashkil etgan.
“Ko‘prikning umumiy uzunligi 90 metr, eni esa 7,5 metr. 100 tonnagacha yukni ko‘tarish quvvatiga ega. Ko‘prik karantin ehtiyot choralariga qat’iy amal qilingan holda 5 oy davomida qurib bitkazildi. Unga zarur mablag‘ korxonamiz hisobidan sarflandi. Ko‘prikka tutash daryo yoqasidagi 200 metr maydon obodonlashtirilib, piyodalar yo‘lagi yotqizildi, zamonaviy avtobekat qurildi”, – deydi Murodxon Hojixonov.
Qayd etilishicha, mustahkam yo‘l o‘tkazgich bu hududga yaqin aholi uchun katta qulaylik yaratdi.
“35 yildan buyon Xolvoyi qishlog‘ida yashayman. Samarqand shahrining “Yangiobod” mahallasida qarindoshlarim, Oqdaryoning Boshdarxon qishlog‘ida qudalarim istiqomat qiladi. Shu paytgacha ularnikiga borib-kelish azob edi. Kichkina, xavfsiz ko‘prikdan jonimizni hovuchlab o‘tardik. Bugun, mana, keng, mustahkam ko‘prik qurildi. Bunday qulaylikdan mamnunmiz, qarindoshlarimiznikiga, qolaversa, bozor-o‘charga bemalol borib kelyapmiz, og‘irimiz yengil, uzog‘imiz yaqin bo‘ldi” – deydi Gulnoza Qudratova.
“Qirq yildan buyon texnika rulini boshqaraman. Yillar davomida bu yerda biror oddiy bo‘lsa ham ko‘prik bo‘lmaganligi sababli Boshdarxon qishlog‘iga bormoqchi bo‘lsak, yo Farhod shaharchasidagi ko‘prik orqali, yoki Oqdaryoning Toshkent–Buxoro magistral yo‘liga chiqib, aylanma yo‘ldan kelishga majbur bo‘lardik. Endi esa har qanday yuk bilan yuz metr yursak, Boshdarxonga, undan 3 kilometrdan so‘ng Samarqand shahriga yetamiz” – deydi “Shirin” mahallasida yashovchi haydovchi.
Ma’lum qilinishicha, ko‘prik usti yangicha dizayn bilan bezatilib, kechki payt turli ranglarda yonadigan chiroqlar bilan ham jihozlangan.
Mavzuga doir: Anhor kanali ustidagi piyodalar ko‘prigi ustunlari yemirilayotgani yuzasidan izoh berildi
Biroq viloyat prokuraturasining izoh berishicha, pudratchi va buyurtmachi o‘rtasida imzolangan 2014-yil 21-apreldagi shartnomada ko‘prik qurilishini zimmasiga olgan pudratchining majburiyatlari ko‘rsatib o‘tilgan bo‘lsa-da, pudratchi majburiyatlarini to‘liq bajarmagan. Bu viloyat prokuraturasiga ma’lum bo‘lgan. Lekin koronavirus pandemiyasi sabab prokuratura tergov-surishtiruv jarayonlarini olib borolmagan.
Keyinroq ma’lum bo‘lishicha, 6,5 milliard so‘mga qurilgan ko‘prik 9,6 milliard so‘mga ta’mirlanadigan bo‘ldi.
Izoh (0)