Boks bo‘yicha WBA Super, WBO, IBF va IBO yo‘nalishlarida Jahon chempioni Entoni Joshua (23-1-0, 21 KO) va bolgariyalik bokschi Kubrat Pulev (28-1-0, 14 KO) o‘rtasidagi jang sanasi rasman tasdiqlandi.
Unga ko‘ra, jang 12-dekabr kuni London shahrida bo‘lib o‘tadi. Bu haqda DAZN kompaniyasi ma’lum qildi.
Pulev IBF kamari uchun birinchi raqamli da’vogar hisoblanadi.
Eslatib o‘tamiz, Entoni Joshua va Kubrat Pulev o‘rtasidagi jang bunga qadar ikki bor qoldirilgandi. Bir safar jangning o‘tkazilishiga bolgariyalik sportchining jarohati to‘sqinlik qilgan bo‘lsa, 2020-yilgi jang koronavirus pandemiyasi sabab qoldirilgandi.
Joshua so‘nggi jangini 2019-yilning dekabrida Endi Ruisga qarshi o‘tkazgan. Revansh jangida britaniyalik bokschi chempionlik unvonini qaytarib olgandi.
Izoh (0)