Italiyalik immunolog Antonella Viola Portugaliya terma jamoasi va “Yuventus” hujumchisi Krishtianu Ronalduni tanqid qildi.
“Aynan mana shunday xatti-harakatlardan qochish kerak. Shaharlarni aylanib yurar ekanmiz, klublar oldidagi yig‘ilishlar va odamlarning bir-biri bilan suhbatlashayotganiga guvoh bo‘lamiz. Futbolchilar ehtimol, o‘zini himoyalangan deb hisoblar. Ammo ular noto‘g‘ri fikrda. Ushbu test sizda hozirda virus yo‘qligini bildiradi. Bu bir necha soat davomida yuqtirilmasligingizni anglatmaydi. Shunday ekan hatto yolg‘iz qolganingiz va sog‘lom muhitda bo‘lsangiz ham har doim tibbiy niqob taqish va ijtimoiy masofani saqlash kerak. Hatto stolda atrofida ham”, — deb immunologning so‘zlarini keltiradi Calciomercato.
Avvalroq 35 yoshli hujumchida koronavirus aniqlangani haqida xabar berilgandi. Ta’kidlanishicha, portugaliyalik kasallikni alomatlarsiz o‘tkazmoqda va o‘zini yaxshi his etmoqda.
Qayd etish joiz, kasallik aniqlanguniga qadar Ronaldu Portugaliya terma jamoasi vakillari bilan kechki ovqatda qatnashgandi.
Ma’lumot uchun, Ronaldu 2018-yildan beri “Yuventus” sharafini himoya qiladi. Joriy mavsumda 35 yoshli hujumchi Italiya chempionatining ikkita uchrashuvida maydonga tushib, 3 ta gol urdi. Uning turinliklar bilan amaldagi shartnomasi 2022-yilning yozigacha amal qiladi.
Mavzuga doir:
- Koronavirusga chalingan Krishtianu Ronaldu “Barselona”ga qarshi o‘yinda ishtirok etishi uchun qanday shartlar bajarilishi kerakligi ma’lum bo‘ldi
- Tibo Kurtua: Ronaldu — bu kuch va tezlik, Messi undan biroz iqtidorliroq
- Jerrard, Pele, Ronaldu. Futbol tarixida ortiqcha baho berib yuborilgan futbolchilar reytingi tuzildi
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
Izoh (0)