16-oktabr kuni “Ko‘ksaroy” qarorgohida xorijiy davlatlarning O‘zbekistonga yangi tayinlangan elchilaridan ishonch yorliqlarini qabul qilishga bag‘ishlangan tantanali marosim bo‘lib o‘tdi. Bu haqda Prezident matbuot xizmati xabar berdi.
Xabarga aytilishicha, Shavkat Mirziyoyev BAA, Eron, Ukraina, Italiya, Isroil, Pokiston va Hindistonning O‘zbekistondagi favqulodda va muxtor elchilari Said al-Qamziy, Hamid Nayrobodiy, Nikolay Doroshenko, Agostino Pinna, Zexavit Ben Xillel, Said Ali Asad G‘iloniy va Manish Prabxatdan yorliqlarni qabul qildi.
Prezident elchilarni O‘zbekistondagi diplomatik faoliyatini boshlagani bilan samimiy tabriklab, ularga ikki tomonlama munosabatlarni yanada rivojlantirish va ko‘p qirrali hamkorlikni kengaytirish borasidagi sharafli va mas’uliyatli vazifada katta muvaffaqiyatlar tiladi.
Shavkat Mirziyoyev, shuningdek, yangi elchilar vakillik qilayotgan davlatlar rahbarlariga BMTning bosh organlaridan biri – Inson huquqlari bo‘yicha kengashda O‘zbekiston a’zoligini qo‘llab-quvvatlagani uchun minnatdorlik bildirdi.
Izoh (0)