Germaniya Kubogi 1-bosqichining qoldirilgan uchrashuvi doirasida “Bavariya” 15-oktabr, payshanba kuni “Dyuren” maydoniga safar qildi.
Uchrashuvning 24-daqiqasida myunxenliklar safidagi debyut o‘yinini o‘tkazayotgan Erik Shupo-Moting hisobni ochdi. 36-daqiqada Tomas Myuller penaltini golga aylantirgan holda jamoasining ikkinchi to‘pini kiritdi. 75-daqiqada Shupo-Moting dublni rasmiylashtirdi.
Mazkur o‘yinda Shupo-Motingdan tashqari darvozabon Aleksandr Nyubel, himoyachi Buna Sarr, yarim himoyachilar Mark Roka, Anjelo Shtiller, Daniyels Ontujans, hujumchilar Armindo Zib va Fite Arp “Bavariya” safida debyut qildi.
Germaniya Kubogi
1-bosqich
15-oktabr, payshanba
“Dyuren” — “Bavariya” 0:3
Gollar: 0:1 – 24 Shupo-Moting, 0:2 – 36, penalti Myuller, 0:3 – 75 Shupo-Moting.“Dyuren”: Yakmut, Bekker, Veber, Sobex, Vipperfyurt (Mabanza, 81), Shtermann (Sarikaya, 81), Pyuts, Antoski (Bleya, 53), Zimon (Matushchik, 53), Brashnich (Lo Yakono, 70), Omerbashich.
“Bavariya”: Nyubel, Boateng, Zyule (Shtiller, 46), Devis, Sarr, Duglas Kosta (Zib, 61; Ontujans, 87), Musiala, Myuller (Dayaku, 61), Xavi Martines, Shupo-Moting (Arp, 77), Roka.
Ogohlantirish: Sobex (69).
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
Izoh (0)