Liverpool Echo нашри «Ливерпуль»нинг сўнгги ўн йилликдаги, яъни клуб Fenway Sports Group бошқарувига ўтганидан кейинги даврдаги трансферларини баҳолаб чиқди.
Бу вақт мобайнидаги 20 та трансферлар ойнасида мерсисайдликлар жамоаси 800 миллион фунт сарфлаган ҳолда, 69 нафар футболчини ўз сафига қўшиб олди.
Liverpool Echo олтита трансферга энг юқори баллни (10) берган. Улар: Филиппе Коутиньо («Интер»дан 2013 йилнинг январида 8,5 млн фунт эвазига), Роберто Фирмино («Ҳоффенҳайм», 2015 йилнинг ёзи, 29 млн), Садио Мане («Саутҳэмптон», 2016 йилнинг ёзи, 30 млн), Муҳаммад Салоҳ («Рома», 2017 йилнинг ёзи, 36,9 млн), Виржил ван Дейк («Саутҳэмптон», 2018 йилнинг январи, 75 млн) ва Алиссон (2018 йилнинг ёзи, «Рома», 65 млн).
Нашр энг қуйи баллни (1) 2014 йилнинг ёзида «Милан»дан 16 миллион фунтга сотиб олинган Марио Балотелли трансферига берди. Шунингдек, Лазар Маркович ва Уссама Ассаиди трансферлари 2 балл олган.
Нури Шаҳин, Яго Аспас, Тиагу Илори, Адам Богдан, Луис Альберто ва Самед Ешил трансферлари Liverpool Echo’нинг 3 баллига лойиқ кўрилган.
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)