Rossiyalik yakkakurashchi Islom Maxachev UFC 254 musobaqasida qatnashmaydi, deya xabar bermoqda Kevin Ayol.
Eslatib o‘tamiz, Rafael dos Anyos koronavirusga chalinganidan keyin so‘ng Maxachev raqibsiz qolgandi. Manbaga ko‘ra, Maxachev qisqa vaqt ichida potensial raqib bilan jang qilishdan bosh tortgan.
Maxachev va dos Anyos o‘rtasidagi jang 24-oktabr kuni Abu-Dabidagi (BAA) “Jangchilar oroli”da bo‘lib o‘tishi kerak edi. Xuddi shu musobaqada Habib Nurmagomedov va amerikalik Jastin Getji o‘rtasidagi chempionlik jangi ham o‘tkaziladi.
Islom Maxachev ayni damda UFC yengil divizioni reytingida 12-o‘rinni egallab turibdi. U so‘nggi jangini 2019-yilning sentabrida o‘tkazgan va unda Devi Ramosni mag‘lub etgandi. Maxachev aprel oyida jang o‘tkazishi belgilangandi, biroq u koronavirus sabab bekor qilindi.
Islom MMA’da jami 19 ta jang o‘tkazib, ularning 18 tasida g‘alaba qozongan va bir marta mag‘lubiyatga uchragan. Sportchi UFC’dagi 8 jangining yettitasini g‘alaba bilan tugatgan.
Izoh (0)