O‘ta yengil vazn toifasida UFC chempioni Petr Yan 2020-yilning 12-dekabr kuni Aljameyn Sterlingga qarshi jang o‘tkazishi kutilmoqda. Bu haqda jurnalist Brett Okamoto xabar berdi.
Deyna Uaytning so‘zlariga ko‘ra, UFC Petr Yan va Aljameyn Sterling o‘rtasidagi chempionlik jangini 12-dekabr kuni Las-Vegasda o‘tadigan musobaqaning asosiy voqeasi qilmoqchi. Manbalarga ko‘ra, shartnoma hali imzolanmagan, biroq UFC buning ustida ish olib bormoqda.Qayd etish joiz, avvalroq Yan va Sterling bir necha bor Twitter tarmog‘ida bir-biriga qarshi keskin fikrlar bildirgandi.Brett Okamoto, jurnalist
Eslatib o‘tamiz, Yan iyul oyida braziliyalik Joze Aldoni mag‘lubiyatga uchratib, chempionlik kamarini qo‘lga kiritgandi. Uning hisobida 16 jang, 15 ta g‘alaba va 1 ta mag‘lubiyat bor.
Sterling esa MMA’da 22 jang o‘tkazib, ularning 19 tasida g‘olib bo‘lgan, yana 3 ta bellashuvda esa raqiblariga imkoniyatni boy berib qo‘ygan.
Izoh (0)